الماتىدا ەكپە سالدىرعىسى كەلگەندەردىڭ ءبارىن جاپپاي ۆاكتسيناتسيالاۋ ۋاقىتشا توقتاتىلادى. بۇل تۋرالى الماتى قالالىق دەنساۋلىق ساقتاۋ باسقارماسىنىڭ باستىعى ناريمان تابىنباەۆ مالىمدەدى.
ونىڭ سوزىنشە، مەديتسينالىق مەكەمەلەر قوعامدىق ورىنداردىڭ قاتىسۋىنسىز ءبىر كۇندە 9 مىڭنان 11 مىڭعا دەيىن ۆاكتسينا ەگە الادى. ەگەر ساۋدا ورىندارى وسى پروتسەسكە قاتىسسا، ۆاكتسيناتسيالاۋ مۇمكىندىگى ارتادى.
"سوندىقتان سوڭعى ەكى كۇندە ءبىز ودان ءارى قالاي جۇمىس ىستەۋگە بولاتىندىعىن جانە ۆاكتسيناتسيا پۋنكتتەرىنىڭ وتكىزۋ قابىلەتىن دامىتۋ مەن ونى قالاي كوبەيتۋ كەرەكتىگىن تۇسىندىك. قالاي دەسەك تە، قالا جاپپاي ۆاكتسيناتسيالاۋعا دايىن. ال جاپپاي ۆاكتسيناتسيانىڭ ۋاقىتى مەن كۇنى ۆاكتسينانى جەتكىزۋ كەستەسىمەن انىقتالادى. ءبىز بۇل تۋرالى كەيىنىرەك حابارلايمىز", – دەدى ول.
باسقارما باسشىسىنىڭ ايتۋىنشا، قازىر قالا بيلىگى مەديتسينالىق مەكەمەلەرىنىڭ ۆاكتسيناتسياعا دايىندىعىن 100% دەڭگەيىندە باعالايدى. ەمحانالاردان باسقا Asia Park ساۋدا، ويىن-ساۋىق ورتالىعى مەن رەسپۋبليكا سارايىندا ۆاكتسيناتسيا پۋنكتتەرى جۇمىس ىستەيتىنىن اتاپ وتكەن ءجون. جاقىن ۋاقىتتا Mega Almaty مەن Mega Park ساۋدا، ويىن-ساۋىق ورتالىقتارىن ىسكە قوسۋ جوسپارلانىپ وتىر.
تابىنباەۆ وسى ايدا مەگاپوليسكە "سپۋتنيك V" ءبىرىنشى كومپونەنتىنىڭ 250-300 مىڭ دوزاسى جەتكىزىلەتىنىن اتاپ ءوتتى.
ء"ۇش-ءتورت كۇننەن كەيىن "سپۋتنيك V" جاڭا پارتياسى كەلگەننەن كەيىن جاپپاي ۆاكتسيناتسيالاۋ باستالادى. سوندىقتان دا، ەكپە سالدىرعىسى كەلگەندەردىڭ ءبارىن جاپپاي ۆاكتسيناتسيالاۋ ۋاقىتشا توقتاتىلادى. ال الەۋمەتتىك ساناتتاعى حالىقتىڭ وسال توبىنا جوسپارلى ۆاكتسيناتسيا جالعاسادى. دەگەنمەن، ەگەر ۆاكتسينا قورى بار كەيبىر پۋنكتەردە كوڭىلى قالاعاندارعا كەزەك بويىنشا سالىنا بەرەدى", – دەدى ول.
