ناتو كۇشتەرىنىڭ «تەڭىز قالقانى — 2021» بىرىككەن جاتتىعۋى ءوتتى. جاتتىعۋعا اقش تاراپىنان ەكى كەمە قاتىسىپ، "قارا تەڭىز رەسەيدىكى ەمەستىگىن كۇشپەن دالەلدەدى" دەپ جازدى The Washington Times اقپارات كوزى.
"قارا تەڭىزدەگى ءبىزدىڭ اسكەري جاتتىعۋلارىمىز ناتو سەرىكتەستەرىن بارىنشا قولداپ، تەڭىزدەگى قاۋىپسىزدىكتى ساقتايتىنىمىزدىڭ ايقىن دالەلى", - دەدى «مونتەرەي» كرەيسەرىنىڭ كاپيتانى دجوزەف باگگەتت.
WT جازۋىنشا «تەڭىز قالقانى— 2021» جاتتىعۋى بارىسىندا «مونتەرەي» كرەيسەرى «توماس حادنەر» ەسمينەتسىمەن بىرگە جاتتىعۋعا قاتىسقان. اقش، البانيا، بولگاريا جانە حورۆاتيا اسكەريلەرى تەڭىزدە شايقاسۋدىڭ تاسىلدەرىن بىرلەسە مەڭگەردى.
اقش باستاعان ناتو ەلدەرى سوڭعى ۋاقىتتا قارا تەڭىزدەگى اسكەري جاتتىعۋلار سانىن ەسەلەپ ارتتىردى. وعان باستى سەبەپ بايدەننىڭ شىعىس ەۋروپاداعى اسكەري كۇشتى ارتتىرۋ بويىنشا ۇسىنىستارى جانە رەسەيدىڭ اگرەسسيالىق ساياساتىنا قارسى جاۋاپ بەرۋ.
اسحات قاسەنعالي،
"ادىرنا" ۇلتتىق پورتالى
