جانداربەك بەكشين «2021 جىلدىڭ 21 - 28 ناۋرىزى ارالىعىندا الماتى قالاسىندا كوروناۆيرۋستىق ينفەكتسيا اۋرۋىنىڭ الدىن الۋ جونىندەگى ic-شارالاردى كۇشەيتۋ تۋرالى» قاۋلىعا تولىقتىرۋلار مەن وزگەرتۋلەر ەنگىزدى، دەپ حابارلايدى «ادىرنا» ءتىلشىسى.
بۇل تۋرالى قالانىڭ سانيتارلىق-ەپيدەميولوگيالىق باقىلاۋ دەپارتامەنتى مالىمدەدى.
قاۋلىعا سايكەس، قاتاڭ كارانتين 12 ساۋىرگە (قوسا العاندا) دەيىن ۇزارتىلدى.
«-جالپى ءبىلىم بەرەتىن مەكتەپ وقۋشىلارى مەن جوو، تەحنيكالىق جانە كاسىپتىك ءبىلىم بەرەتىن ۇيىم ستۋدەنتتەرى قاشىقتىقتان وقىتۋ فورماتىنا كوشەدى;
- اتا-انالارىنىڭ ءوتىنىشى بويىنشا جالپى ءبىلىم بەرەتىن مەكتەپتەردىڭ 1-5, 9 جانە 11-سىنىپتارىنداعى 15 ادامعا دەيىنگى بالالارى بار كەزەكشى توپتاردىڭ جۇمىسىنا رۇقسات ەتىلدى;
- الماتى قالاسىنىڭ ءدىن ىستەرى جونىندەگى باسقارماسى مەشىتتەردىڭ، شىركەۋلەردىڭ جانە باسقا دا ءدىني ورىنداردىڭ جۇمىسىنداعى شەكتەۋلەردىڭ ساقتالۋىنا كۇندەلىكتى مونيتورينگ جۇرگىزۋدى قامتاماسىز ەتۋى ءتيىس;
- قاسيەتتى "رامازان" ايى كەزىندە ءبىر وتباسى مۇشەلەرىنىڭ اراسىندا اۋىزاشاردى قوسپاعاندا، ۇجىمدىق اۋىزاشار وتكىزۋگە تىيىم سالىندى»،-دەلىنگەن قۇجاتتا.
«ادىرنا» ۇلتتىق پورتالى
