پەتروپاۆلدا تۋىسى پىشاقتاعان 89 جاستاعى قارت اجەي كوز جۇمدى، دەپ حابارلايدى “ادىرنا” ۇلتتىق پورتالى سولتۇستىك قازاقستان وبلىسى پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
10 ناۋرىز كۇنى ساعات 3 شاماسىندا پەتروپاۆل پوليتسيا باسقارماسىنىڭ كەزەكشىلىك بولىمىنە 103 قىزمەتى ديسپەتچەرىنەن 28 جاستاعى ەر ادام مەن 48 جاستاعى ايەل كوپسالالى قالالىق اۋرۋحاناعا پىشاق جاراقاتىمەن جەتكىزىلگەنى تۋرالى حابارلاما تۇسكەن. ايەل وتا جاسالىپ جاتقان كەزدە قايتىس بولدى.
حيرۋرگيا بولىمىنە تۇسكەن قارتتى دارىگەرلەر قۇتقارا المادى.
كۇدىكتى رەتىندە 30 جاستاعى الماتىلىق تۋىسى ۇستالدى.
"كىسى ءولتىرۋ" بابى بويىنشا قوزعالعان قىلمىستىق ءىس 99-باپتىڭ ەكىنشى بولىگى، 1 جانە 8-تارماقتارىنا قايتا اۋىستىرىلدى، ەندى كۇدىكتىگە پايداكۇنەمدىك نيەتپەن ەكى ادامدى ءولتىردى دەگەن ايىپ تاعىلىپ وتىر. تەرگەۋ ءجۇرىپ جاتىر", - دەپ حابارلادى سولتۇستىك قازاقستان وبلىسى پوليتسيا دەپارتامەنتىنىڭ ءباسپاسوز قىزمەتى.
بۇل باپتىڭ سانكتسياسى 15 جىلدان 20 جىلعا دەيىنگى مەرزىمگە نەمەسە ءومىر بويىنا باس بوستاندىعىنان ايىرۋ جازاسىن قاراستىرادى.
