"رەسەي ناتو مەن اقش-تى ۇستاپ قالۋى ءۇشىن "يادرولىق قارۋدى سىناماۋ تۋرالى كەلىسىمنەن" ۋاقىتشا شىعىپ، 20−25 مارتە يادرولىق سىناق جاساۋى ءتيىس" دەيدى ساياساتتانۋشى دميتري ەۆستافەۆ. بۇل تۋرالى ول اقش-تىڭ "سولتۇستىك اعىم-2" گاز قۇبىرىنا قاتىستى ساياساتىن تالقىلاۋ بويىنشا وتكەن باعدارلامادا ايتقان.
«قازىر قالىپتاسقان قاۋىپتى ۋاقىتتا، جالپى تەك ءبىز ءۇشىن ەمەس، الەم ءۇشىن قاۋىپتى كەزەڭدە ءبىز "يادرولىق قارۋدى سىناماۋ تۋرالى كەلىسىمنەن" ۋاقىتشا شىعىپ، ناتو-نىڭ ءىرى اسكەري جاتتىعۋى وتەتىن ساتتە 20-25 يادرولىق قارۋدى سىناقتان جاريا تۇردە وتكىزۋىمىز كەرەك. باتىستاعىلاردىڭ ەكپىنىن باسۋدىڭ باسقا جولىن كورىپ تۇرعانىم جوق»، — دەدى ول.
ونىڭ ويىنشا جاڭا جەر ارالىنداعى پوليگون جابىق تۇرعانىمەن، ىستەن شىققان ەمەس.
«ساياسي ەرىك بولسا يادرولىق سىناقتاردى جاساۋعا جارتى جىلدىق دايىندىق جەتەدى. بۇل بىزگە تاعى 4−5 جىل ۋاقىت بەرەدى. سول ارالىقتا ولاردا جاڭا باسشى دا كەلىپ قالار»، — دەدى ساياساتتانۋشى.
اقش بيلىگىنە بايدەن كەلگەلى بەرى باتىس تاراپىنان رەسەيگە قىسىم ارتتى. اقش تاراپىنان ماسكەۋگە بىرنەشە مارتە سانكتسيالار جاريالانىپ تا ۇلگەردى.
اسحات قاسەنعالي،
"ادىرنا" ۇلتتىق پورتالى
