Saıasattanýshy: Reseı kelisimnen shyǵyp, 25 atom bombasyn jarýy tıis

6239
Adyrna.kz Telegram

"Reseı NATO men AQSh-ty ustap qalýy úshin "Iadrolyq qarýdy synamaý týraly kelisimnen" ýaqytsha shyǵyp, 20−25 márte ıadrolyq synaq jasaýy tıis" deıdi saıasattanýshy Dmıtrıı Evstafev. Bul týraly ol AQSh-tyń "Soltústik aǵym-2" gaz qubyryna qatysty saıasatyn talqylaý boıynsha ótken baǵdarlamada aıtqan.

«Qazir qalyptasqan qaýipti ýaqytta, jalpy tek biz úshin emes, álem úshin qaýipti kezeńde biz "Iadrolyq qarýdy synamaý týraly kelisimnen" ýaqytsha shyǵyp, NATO-nyń iri áskerı jattyǵýy ótetin sátte 20-25 ıadrolyq qarýdy synaqtan jarııa túrde ótkizýimiz kerek. Batystaǵylardyń ekpinin basýdyń basqa jolyn kórip turǵanym joq», — dedi ol.
Onyń oıynsha Jańa Jer aralyndaǵy polıgon jabyq turǵanymen, isten shyqqan emes.

«Saıası erik bolsa ıadrolyq synaqtardy jasaýǵa jarty jyldyq daıyndyq jetedi. Bul bizge taǵy 4−5 jyl ýaqyt beredi. Sol aralyqta olarda jańa basshy da kelip qalar», — dedi saıasattanýshy.

AQSh bıligine Baıden kelgeli beri Batys tarapynan Reseıge qysym artty. AQSh tarapynan Máskeýge birneshe márte sankııalar jarııalanyp ta úlgerdi.

Ashat QASENǴALI,

"Adyrna" ulttyq portaly

Pikirler