توقاەۆ پۋتينمەن تەلەفون ارقىلى قانداي ماسەلە شەشپەك؟

1877
Adyrna.kz Telegram

قر پرەزيدەنتى قاسىم-جومارت توقاەۆ رەسەي پرەزيدەنتى ۆلاديمير پۋتينمەن تەلەفون ارقىلى سويلەستى، دەپ حابارلايدى اقوردا.

الماتى، NEGE. مەملەكەت باسشىلارى ساۋدا-ەكونوميكالىق جانە اسكەري-تەحنيكالىق ىنتىماقتاستىقتىڭ قازىرگى احۋالىنا، سونداي-اق، قازاقستاندا تسيفرلىق پلاتفورما قۇرۋ تۋرالى قول جەتكىزىلگەن ۋاعدالاستىققا جوعارى باعا بەردى. قازاقستان پرەزيدەنتى ۇشاق قۇراستىرۋ، اۆتوكولىك جاساۋ، حيميا يندۋسترياسى سالالارىنداعى بىرلەسكەن جوبالارعا كوڭىلى تولاتىنىن جەتكىزدى. ونىڭ پىكىرىنشە، بيىلعى ءساۋىر ايىندا قازان قالاسىندا ەكى مەملەكەتتىڭ ۇكىمەتتەرى اراسىندا قول قويىلاتىن 2021-2025 جىلدارعا ارنالعان ەكونوميكالىق ىنتىماقتاستىقتىڭ كەشەندى باعدارلاماسىنىڭ ماڭىزى زور بولماق.

ۆلاديمير پۋتين رەسەي مەن قازاقستان اراسىنداعى ساۋدا-ەكونوميكالىق، اسكەري-تەحنيكالىق جانە تسيفرلىق سالالار بويىنشا بايلانىستاردى نىعايتۋدىڭ ماڭىزدى ەكەنىن اتاپ ءوتتى. اڭگىمەلەسۋ بارىسىندا قاسىم-جومارت توقاەۆ ەلىمىزگە «سپۋتنيك V» ۆاكتسيناسىنىڭ قوسىمشا بولىگىن جەتكىزۋ جايىندا ءوتىنىش ءبىلدىردى. تاراپتار ەۋرازيالىق ەكونوميكالىق وداقتىڭ الەۋەتىن ودان ءارى ارتتىرۋعا قاتىستى ۇستانىمدارى سايكەس كەلەتىنىن ايتىپ، سەرىكتەستىكتىڭ بۇل باعىتىندا تىعىز ىقپالداسا جۇمىس ىستەۋگە كەلىستى.

پىكىرلەر