سەمەي قالاسىندا اباي قۇنانبايۇلى اتىنداعى مەشىت اشىلدى، دەپ حابارلايدى «ادىرنا» ءتىلشىسى.
مەشىتتى دۋلات تاستاكەەۆتىڭ Assayltas قوعامدىق قورى سالدىردى.
ۇلىستىڭ ۇلى كۇنىندە بولعان سالتاناتتى شاراعا ءاسانالى ءاشىموۆ، مۇحتار شاحانوۆ، ءجۇرسىن ەرمان سىندى ەل اعالارى قاتىستى.
«بۇل اللانىڭ ءۇيى، ەشكىمنىڭ جەكە مەنشىگى ەمەس. بۇگىننەن باستاپ تولىقتاي قازاقستان مۇسىلماندار ءدىني باسقارماسىنىڭ باسقارۋى مەن قۇزىرلىعىنا وتەدى. بۇل ءبىر اۋلەتتىڭ قولداۋىمەن سالىنعانىمەن بارشا جۇرتقا ورتاق يگىلىك»،-دەدى كاسىپكەر دۋلات تاستاكەەۆ.
ايتا كەتەيىك، جاڭادان سالىنعان مەشىت قالاداعى ەڭ ۇلكەن ءمىناجات ورنى بولىپ سانالادى.
«ادىرنا» ۇلتتىق پورتالى
