قازاقستان وكىلى كارينا كابدۋللينا تاتارستاندا وتكەن "ناۋرىز ارۋى-2021" بايقاۋىنىڭ جەڭىمپازى اتاندى، دەپ حابارلايدى «ادىرنا» ءتىلشىسى تاتار-ينفورمعا سىلتەمە جاساپ.
تۇركى جاڭا جىلىنا ارنالعان سۇلۋلىق بايقاۋىنا تاتارستان، وزبەكستان، تاجىكستان، قىرعىزستان، باشقۇرتستان جانە قازاقستاننان التى قىز قاتىستى.
ءبىرىنشى ۆيتسە-ميسس اتاعىن يۋليا كيم (وزبەكستان) السا، ەكىنشى ۆيتسە-ميسس ديانا زۋلپۋەۆا (قىرعىزستان) اتاندى.
مەرەكە قوناقتارى مەن قاتىسۋشىلارىن تاتارستان مادەنيەت ءمينيسترىنىڭ ورىنباسارى دامير ناتفۋللين قۇتتىقتادى. ول انا ءتىلى مەن حالىق بىرلىگى جىلىندا ۇلتتىق مەرەكەلەردىڭ ماڭىزى ارتا تۇسەتىنىن مالىمدەدى.
«ادىرنا» ۇلتتىق پورتالى
