الماتى قالاسىنىڭ ورتالىعىندا ساۋنالار مەن سپا-سالونداردا جەڭىل ءجۇرىستى 30 ايەل ۇستالدى، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
مەدەۋ اۋدانىنىڭ پوليتسيا قىزمەتكەرلەرى مونيتورينگتىك توپتاردىڭ قۇرامىندا سەگىز ساۋنانى، سپا-سالونداردى جانە بودي-ماسساج قىزمەتىن ۇسىنۋ نىساندارىن تەكسەردى. سەس سالاسىندا، سونداي-اق قازاقستان رەسپۋبليكاسىنىڭ كوشى-قون زاڭناماسىندا بىرقاتار بۇزۋشىلىقتاردى انىقتادى.
– رەيدتەر تۇنگى ۋاقىتتا جۇرگىزىلدى. بۇل مەكەمەلەردە جەزوكشەلىكپەن اينالىساتىن ايەلدەردىڭ دە جۇمىس ىستەيتىنى، ولاردىڭ كەيبىرىنىڭ قۇجاتتارى مۇلدەم بولماعانى انىقتالدى. ءبىر سوزبەن ايتقاندا، پريتوندار “دەنە ماسساجى”، “سپا-سالون” جانە “ساۋنا” بەلگىلەرىمەن جۇمىس ىستەدى. سەس وكىلدەرى مەكەمە يەلەرى مەن اكىمشىلەرىنە قارسى قر اقبك-ءنىڭ 425-بابىنا سايكەس شارالار قابىلدادى. سونىمەن قاتار، قۇقىق بۇزۋشىلارعا قاتىستى قر اقبك-ءنىڭ 492-بابى مەن قر اقبك-ءنىڭ 450-بابىنا سايكەس اكىمشىلىك ماتەريالدار جينالدى، – دەدى مەدەۋ اۋداندىق پوليتسيا باسقارماسى باستىعىنىڭ ءبىرىنشى ورىنباسارى ەلنۇر كۇدرەتباەۆ.
«ادىرنا» ۇلتتىق پورتالى
