قانشاما ۋاقىتتان بەرى قايتا-قايتا جارنامالاپ جاتقاسىن، شىنىندا دا ءبىر كورەتىن دۇنيە تۇسىرگەن شىعار دەپ قاراي قويىپ ەدىم..بۇگىن "قازاقستان"ارناسىنان كورسەتىلە باستاعان"ماحاببات،قىزىق مول جىلدار"تەلەحيكاياسىن ايتام.كىتاپ قانداي ەدى،شىركىن..
العاش شىققاندا بىرىمىزدەن-ءبىرىمىز سۇراپ الىپ،تاڭدى تاڭعا ۇرىپ،باسىمىزعا جاستاپ قويىپ وقىپ ەدىك.ءبىرىنشى بولىمىنەن باستاپ مىنانداي قويىرتپاق،قالعانى نە بولار ەكەن؟قانداي سۇمدىق ستسەناريست بولسا دا،كىتاپتىڭ جەلىسىنەن تىم اۋىتقىماۋ كەرەك قوي.مىسالى،قىتايلاردىڭ تۇسىرگەن "شىڭعىسحان"حيكاياسىن كەزىندە قالاي قىزىعىپ قارادىق؟
ال،كالاشنيكوۆتىڭ"قاتىگەز عاسىرىن"وقىعان ادام، كينونىڭ تۋرا سول كىتاپ بويىنشا تۇسىرىلگەنىن بىردەن اڭعارار ەدى.تاپ سودان ول سەريال ۇتپاسا،ۇتىلعان جوق.ال ءبىزدىڭ كىتابىمىز ايدالادا،كينومىز ءتىپتى باسقا جاققا لاعىپ جاتىر.سوسىن،اكتەرلاردىڭ اۋزىنا اناداي ادەبي مە،عىلىمي ما،ادامنىڭ قۇسقىسىن كەلتىرەتىن سوزدەردى كىم اپارىپ سالىپ قويادى ەكەن؟كەڭەستىڭ كەزىندە دە قازاقتىڭ كينوسى ورىستار تۇگىلى،قىرعىز بەن وزبەككە جەتە الماۋشى ەدى،ءالى سول قالپىنان دىم دا وزگەرگەن جوق ەكەن.جالپى وسى بىزگە فۋتبول مەن كينوعا اقشا شىعىنداپ نە كەرەك؟ەكەۋى دە ءولدىم دەسەڭ دە،قولىمىزدان كەلمەيتىن يت تىرلىك..تەككە كەتكەن قايران ۋاقىت-اي.ءازىلحان اتامىزدىڭ ارۋاعىنان ۇيات بولماسا ەكەن.
