اقتوبەدەگى الاياق ايەل تەندەردى جەڭىپ الۋعا كومەكتەسۋگە ۋادە بەرىپ، 14 ميلليون تەڭگەنى يەمدەگەن، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
پوليتسيا بولىمىنە 42 جاستاعى كاسىپكەر اعىمداعى جىلعى قاڭتاردىڭ سوڭىندا تانىس ەمەس ايەل تەندەر ۇتىسىنا كومەك كورسەتۋ سىلتاۋىمەن الداۋ جولىمەن 14 ملن تەڭگەدەن استام سوماداعى اقشانى يەمدەنگەنى تۋرالى وتىنىشپەن جۇگىندى.
پوليتسيا قىزمەتكەرلەرى جەدەل ءىس-شارالار وتكىزۋ بارىسىندا اقتوبەنىڭ 38 جاستاعى تۇرعىنىن انىقتادى. كۇدىكتى جاساعان ارەكەتىن مويىندادى.
قر قك 190-بابى (الاياقتىق) بويىنشا تەرگەۋ امالدارى جۇرگىزىلۋدە. بۇگىنگى تاڭدا كۇدىكتىنىڭ ايلا-امالدارىنا ءۇش جابىرلەنۋشى تۇسكەنى انىقتالدى.
اقتوبە وبلىسىنىڭ پوليتسيا دەپارتامەنتى ۇستالعان ازامات تاراپىنان الاياقتىقتىڭ قۇربانى بولعان ازاماتتاردان پوليتسياعا جۇگىنۋدى سۇرايدى.
«ادىرنا» ۇلتتىق پورتالى
