ءاليا انۋاربەك كۇيەۋىنىڭ نەدەن كوز جۇمعانىن ءمالىم ەتتى

983

قازاقستاندىق اكتريسا ءاليا انۋاربەك (تەلەباريسوۆا) العاش رەت كۇيەۋىنىڭ نەدەن كوز جۇمعانىن ايتتى، دەپ حابارلايدى "ادىرنا" ۇلتتىق پورتالى Nege.kz سايتىنا سىلتەمە جاساپ. 

اكتريسا تيمۋر بالىمبەتوۆكە ارنايى سۇقبات بەردى. اڭگىمە بارىسىندا كۇيەۋىمەن قالاي تانىسقانىن، ماحاببات حيكاسىنان جانە ومىردەگى ەڭ قيىن ءسات – ودان ايىرىلعان كەزى تۋرالى ءسوز قوزعادى. ءاليا مەن ازامات 2014 جىلى ۇيلەندى، ولاردىڭ ەكى قىزى بار: اليشا (5 جاستا) جانە امەلي (2 جاستا).

2019 جىلدىڭ سوڭىندا ءاليانىڭ جۇبايى ءوزىن ناشار سەزىنگەن. ازامات تەكسەرىلگەن، سول كەزدە ونكوماركەرلەردىڭ جوعارىلاعان بىلگەن. مرت-دان، بيوپسيادان وتكەن سوڭ ءوت جولدارىنىڭ قاتەرلى ىسىگى بار ەكەنى انىقتالدى. اكتريسانىڭ ايتۋىنشا، 2020 جىلدىڭ اقپان ايىندا گەرمانيادا كۇيەۋىندەگى باۋىردىڭ شامامەن 80 پايىزىن الىپ تاستاعان. وپەراتسيادان كەيىن ازامات تەز قالپىنا كەلگەن، راك كلەتكالارى كەتكەن.

«ول ساۋ ادام بولىپ شىقتى. دارىگەرلەردىڭ وزدەرى تاڭ قالىپ، ادامنىڭ ءومىرىن قۇتقارعانىنا قۋاندى»، – دەدى ءاليا انۋاربەك.

ۋاقىت وتە كەلە ازاماتتىڭ دەنساۋلىعى قايتادان ناشارلاي باستاعان. اكستريسانىڭ وتباسى ونى حيميانىڭ جاناما اسەرلەرى دەپ ويلاعان.  سول كەزدە ولار وتباسىمەن دۋبايدا بولعان. سوندا قايتادان مرت جاسادى. دارىگەرلەر بۇكىل دەنەدە مەتاستازدار پايدا بولعانىن ايتقان.

«گەرمانياداعى دارىگەر ونىڭ جارتى جىل قالعانىن ايتتى. حيميا وعان كومەكتەسپەيدى، ول تەك قولداۋ كورسەتىپ، ءومىرىن ۇزارتا الادى. مەن دارىگەردەن بۇل تۋرالى جۇبايىما ايتپاۋدى ءوتىندىم. ەڭسەسى تۇسەدى دەپ قورىقتىم. بىراق دارىگەر وعان ايتقان. وسىلايشا، جۇبايىم بۇل شىندىقتى مەنەن جاسىردى. مەن ودان جاسىردىم. ءبىز ءبىر-ءبىرىمىزدى رەنجىتۋدەن قورقاتىنبىز. اركىم ءوزى ءۇشىن مۇمكىندىك جوق ەكەنىن ءبىلدى»، – دەپ ءبولىستى ءاليا.

ازامات 2020 جىلدىڭ 17 قىركۇيەگىندە كوز جۇمدى.

پىكىرلەر
رەداكتسيا تاڭداۋى