Álııa Ánýarbek kúıeýiniń neden kóz jumǵanyn málim etti

984

Qazaqstandyq aktrısa Álııa Ánýarbek (Telebarısova) alǵash ret kúıeýiniń neden kóz jumǵanyn aıtty, dep habarlaıdy "Adyrna" ulttyq portaly Nege.kz saıtyna silteme jasap. 

Aktrısa Tımýr Balymbetovke arnaıy suqbat berdi. Áńgime barysynda kúıeýimen qalaı tanysqanyn, mahabbat hıkasynan jáne ómirdegi eń qıyn sát – odan aıyrylǵan kezi týraly sóz qozǵady. Álııa men Azamat 2014 jyly úılendi, olardyń eki qyzy bar: Alısha (5 jasta) jáne Amelı (2 jasta).

2019 jyldyń sońynda Álııanyń jubaıy ózin nashar sezingen. Azamat tekserilgen, sol kezde onkomarkerlerdiń joǵarylaǵan bilgen. MRT-dan, bıopsııadan ótken soń ót joldarynyń qaterli isigi bar ekeni anyqtaldy. Aktrısanyń aıtýynsha, 2020 jyldyń aqpan aıynda Germanııada kúıeýindegi baýyrdyń shamamen 80 paıyzyn alyp tastaǵan. Operaııadan keıin Azamat tez qalpyna kelgen, rak kletkalary ketken.

«Ol saý adam bolyp shyqty. Dárigerlerdiń ózderi tań qalyp, adamnyń ómirin qutqarǵanyna qýandy», – dedi Álııa Anýarbek.

Ýaqyt óte kele Azamattyń densaýlyǵy qaıtadan nasharlaı bastaǵan. Akstrısanyń otbasy ony hımııanyń janama áserleri dep oılaǵan.  Sol kezde olar otbasymen Dýbaıda bolǵan. Sonda qaıtadan MRT jasady. Dárigerler búkil denede metastazdar paıda bolǵanyn aıtqan.

«Germanııadaǵy dáriger onyń jarty jyl qalǵanyn aıtty. Hımııa oǵan kómektespeıdi, ol tek qoldaý kórsetip, ómirin uzarta alady. Men dárigerden bul týraly jubaıyma aıtpaýdy ótindim. Eńsesi túsedi dep qoryqtym. Biraq dáriger oǵan aıtqan. Osylaısha, jubaıym bul shyndyqty menen jasyrdy. Men odan jasyrdym. Biz bir-birimizdi renjitýden qorqatynbyz. Árkim ózi úshin múmkindik joq ekenin bildi», – dep bólisti Álııa.

Azamat 2020 jyldyń 17 qyrkúıeginde kóz jumdy.

Pikirler
Redakııa tańdaýy