رەسەي ارالدى قۇتقارىپ الماق

489

رەسەي فەدەراتسياسىندا ارالدى قۇتقارۋ حالىقارالىق قورىنا قولداۋ كورسەتۋ بويىنشا ارنايى باعدارلاما ازىرلەنىپ جاتىر. بۇل تۋرالى رەسەيدىڭ قازاقستانداعى ەلشىلىگى حابارلادى.

بۇل باعىتتان بولەك، جوبا سۋ شارۋاشىلىعىن دامىتۋعا جانە 2021-2030 جىلدارى ورتالىق ازيا ەلدەرىنىڭ كليماتتىق تۇراقتىلىعىن نىعايتۋعا باعىتتالعان.

"بۇل رەسەيدىڭ ءتيىستى وڭىرلىك جوبالاردى ىسكە اسىرۋعا قاتىسۋ ارقىلى قازاقستانمەن ەكولوگيا سالاسىنداعى ديالوگتى ودان ءارى كەڭەيتۋگە مۇددەلى ەكەندىگىن بىلدىرەدى", - دەلىنگەن ەلشىلىكتىڭ سايتىندا جاريالانعان حابارلامادا.

سونداي-اق قازاقستان مەن رەسەي اراسىندا ەكولوگيا جانە قورشاعان ورتانى قورعاۋ سالاسىندا سىندارلى ديالوگ قۇرىلعانى اتالىپ وتكەن.

ء"بىزدىڭ ەلدەرىمىزدىڭ پرەزيدەنتتەرى ەكىجاقتى ىنتىماقتاستىقتىڭ وسى باعىتىنا ەرەكشە نازار اۋدارادى. سالالىق ۆەدومستۆولار تۇراقتى بايلانىس ورناتقان، قورشاعان ورتانى قورعاۋ ماسەلەلەرى جونىندەگى رەسەي-قازاقستان ارالاس كوميسسياسى، جايىق ترانسشەكارالىق وزەنى باسسەينىنىڭ ەكوجۇيەسىن ساقتاۋ جونىندەگى رەسەي-قازاقستان كوميسسياسى تابىستى جۇمىس ىستەپ جاتىر", - دەلىنگەن حابارلامادا.

كۇن تارتىبىندە ترانسشەكارالىق وزەندەردىڭ باسسەيندەرىن جاقسارتۋ، اقبوكەن مەن كاسپي يتبالىقتارىنىڭ پوپۋلياتسياسىن ساقتاۋ، جاساندى قورعانىش ورمان بەلدەۋلەرىن قۇرۋ، ءورت ءسوندىرۋ ۇيىمدارىنىڭ بىرلەسكەن وقۋ-جاتتىعۋلارىن وتكىزۋ، اۋرۋ وشاقتارىنىڭ الدىن الۋ مەن جويۋ بويىنشا ءوزارا ءىس-قيمىل ماسەلەلەرى تۇر.

سونىمەن قاتار، 2020 جىلدىڭ جەلتوقسان ايىنىڭ سوڭىندا 2021-2024 جىلدارعا ارنالعان جايىق ترانسشەكارالىق وزەنى باسسەينىنىڭ ەكوجۇيەسىن ساقتاۋ جانە قالپىنا كەلتىرۋ بويىنشا رەسەي-قازاقستان ىنتىماقتاستىق باعدارلاماسىنا قول قويىلدى.

قۇجات ەكوجۇيەنى قالپىنا كەلتىرۋ، لاستانۋ كوزدەرىن انىقتاۋ، سۋ وتكىزگىشتەردى قايتا قۇرۋ، سۋ وبەكتىلەرىن تازارتۋ جانە قالپىنا كەلتىرۋ بويىنشا عىلىمي نەگىزدەلگەن ۇسىنىستار ازىرلەۋدى كوزدەيدى.

"ەرتىس وزەنى بويىنشا دا وسىنداي كەلىسىمدەر جاسالدى، ساراپشىلار باسسەيننىڭ گيدروحيميالىق جانە گيدرولوگيالىق جاعدايىنە تالداۋ جاسايدى. بۇل باعدارلامالارعا قول قويۋ رەسەي-قازاقستان قاتىناستارىنىڭ ماڭىزدى كەزەڭى دەپ سانايمىز", - دەپ مالىمدەدى ديپلوماتيالىق ميسسيا.

پىكىرلەر
رەداكتسيا تاڭداۋى