Reseı Araldy qutqaryp almaq

488

Reseı Federaııasynda Araldy qutqarý halyqaralyq qoryna qoldaý kórsetý boıynsha arnaıy baǵdarlama ázirlenip jatyr. Bul týraly Reseıdiń Qazaqstandaǵy elshiligi habarlady.

Bul baǵyttan bólek, joba sý sharýashylyǵyn damytýǵa jáne 2021-2030 jyldary Ortalyq Azııa elderiniń klımattyq turaqtylyǵyn nyǵaıtýǵa baǵyttalǵan.

"Bul Reseıdiń tıisti óńirlik jobalardy iske asyrýǵa qatysý arqyly Qazaqstanmen ekologııa salasyndaǵy dıalogty odan ári keńeıtýge múddeli ekendigin bildiredi", - delingen elshiliktiń saıtynda jarııalanǵan habarlamada.

Sondaı-aq Qazaqstan men Reseı arasynda ekologııa jáne qorshaǵan ortany qorǵaý salasynda syndarly dıalog qurylǵany atalyp ótken.

"Bizdiń elderimizdiń prezıdentteri ekijaqty yntymaqtastyqtyń osy baǵytyna erekshe nazar aýdarady. Salalyq vedomstvolar turaqty baılanys ornatqan, qorshaǵan ortany qorǵaý máseleleri jónindegi Reseı-Qazaqstan aralas komıssııasy, Jaıyq transshekaralyq ózeni basseıniniń ekojúıesin saqtaý jónindegi Reseı-Qazaqstan komıssııasy tabysty jumys istep jatyr", - delingen habarlamada.

Kún tártibinde transshekaralyq ózenderdiń basseınderin jaqsartý, aqbóken men Kaspıı ıtbalyqtarynyń popýlıaııasyn saqtaý, jasandy qorǵanysh orman beldeýlerin qurý, órt sóndirý uıymdarynyń birlesken oqý-jattyǵýlaryn ótkizý, aýrý oshaqtarynyń aldyn alý men joıý boıynsha ózara is-qımyl máseleleri tur.

Sonymen qatar, 2020 jyldyń jeltoqsan aıynyń sońynda 2021-2024 jyldarǵa arnalǵan Jaıyq transshekaralyq ózeni basseıniniń ekojúıesin saqtaý jáne qalpyna keltirý boıynsha Reseı-Qazaqstan yntymaqtastyq baǵdarlamasyna qol qoıyldy.

Qujat ekojúıeni qalpyna keltirý, lastaný kózderin anyqtaý, sý ótkizgishterdi qaıta qurý, sý obektilerin tazartý jáne qalpyna keltirý boıynsha ǵylymı negizdelgen usynystar ázirleýdi kózdeıdi.

"Ertis ózeni boıynsha da osyndaı kelisimder jasaldy, sarapshylar basseınniń gıdrohımııalyq jáne gıdrologııalyq jaǵdaıyne taldaý jasaıdy. Bul baǵdarlamalarǵa qol qoıý Reseı-Qazaqstan qatynastarynyń mańyzdy kezeńi dep sanaımyz", - dep málimdedi dıplomatııalyq mıssııa.

Pikirler
Redakııa tańdaýy