1 ناۋرىزدان باستاپ ەلىمىزدىڭ باس سانيتارلىق دارىگەرىنىڭ قاۋلىسىنا سايكەس كەزەكشى سىنىپتا وقىپ كەلە جاتقان 1-5 سىنىپتار ارالاس فورماتقا كوشىرىلگەنىن ءبىلىم جانە عىلىم ۆيتسە-ءمينيسترى شولپان كارينوۆا ورتالىق كوممۋنيكاتسيالار قىزمەتىندە ءوتىپ جاتقان بريفينگتە ايتتى، دەپ حابارلايدى "ادىرنا" ۇلتتىق پورتالى.
قازىرگى تاڭدا وقۋشىلاردىڭ 47%-ى ءداستۇرلى رەجيمدە جانە 53%-ى قاشىقتان وقىتۋ فورماتىندا ءبىلىم الۋدا.
"وڭىرلەردەگى سانيتارلىق-ەپيدەميولوگيالىق احۋالعا بايلانىستى شتاتتىق نەمەسە قاشىقتان وقىتاتىن پاندەردى ءار ءبىلىم مەكەمەسى وزدىگىنشە انىقتاۋعا قۇقىلى. سونداي-اق، بعم نەگىزگى پاندەردى وقۋشىلاردىڭ مەكتەپكە كەلىپ، شتاتتىق رەجيمدە وقىتىپ، كوركەم پاندەر مەن مۋزىكانى قاشىقتان وقىتۋدى ۇسىنىپ وتىر. وسى بويىنشا ءتيىستى ادىستەمەلىك ۇستانىمدار جاسالىپ، ءبىلىم مەكەمەلەرىنە جەتكىزىلدى", - دەيدى ۆيتسە-مينيستر.
شولپان كارينوۆانىڭ ايتۋىنشا، ءار ءبىلىم مەكەمەسى 2021 وقىتۋ جىلىنا بەكىتىلگەن وقىتۋ جوسپارىنا ساي وقىتۋدى باستادى.
"ەرەكشە جاعدايلاردا، مىسالى وقۋشىلار اۋىرىپ قالعان نەمەسە ناۋقاس ادامدارمەن بايلانىستا بولعان جاعدايلاردا اتا-انالاردىڭ ءوتىنىشى بويىنشا وقۋشىلاردىڭ قاشىقتان وقىتۋ فورماتىندا قالۋ مۇمكىندىكتەرى بار", - دەپ ءتۇسىندىردى بعم ۆيتسە-ءمينيسترى.
سانيتارلىق رەجيم قاتاڭ ساقتالۋى ءتيىس.
