1 naýryzdan bastap elimizdiń bas sanıtarlyq dárigeriniń qaýlysyna sáıkes kezekshi synypta oqyp kele jatqan 1-5 synyptar aralas formatqa kóshirilgenin Bilim jáne ǵylym vıe-mınıstri Sholpan Karınova Ortalyq kommýnıkaııalar qyzmetinde ótip jatqan brıfıngte aıtty, dep habarlaıdy "Adyrna" ulttyq portaly.
Qazirgi tańda oqýshylardyń 47%-y dástúrli rejımde jáne 53%-y qashyqtan oqytý formatynda bilim alýda.
"Óńirlerdegi sanıtarlyq-epıdemıologııalyq ahýalǵa baılanysty shtattyq nemese qashyqtan oqytatyn pánderdi ár bilim mekemesi ózdiginshe anyqtaýǵa quqyly. Sondaı-aq, BǴM negizgi pánderdi oqýshylardyń mektepke kelip, shtattyq rejımde oqytyp, kórkem pánder men mýzykany qashyqtan oqytýdy usynyp otyr. Osy boıynsha tıisti ádistemelik ustanymdar jasalyp, bilim mekemelerine jetkizildi", - deıdi vıe-mınıstr.
Sholpan Karınovanyń aıtýynsha, ár bilim mekemesi 2021 oqytý jylyna bekitilgen oqytý josparyna saı oqytýdy bastady.
"Erekshe jaǵdaılarda, mysaly oqýshylar aýyryp qalǵan nemese naýqas adamdarmen baılanysta bolǵan jaǵdaılarda ata-analardyń ótinishi boıynsha oqýshylardyń qashyqtan oqytý formatynda qalý múmkindikteri bar", - dep túsindirdi BǴM vıe-mınıstri.
Sanıtarlyq rejım qatań saqtalýy tıis.