2 اقپاندا ماسكەۋدىڭ سيمونوۆسكي سوتى ناۆالنىيدىڭ شارتتى مەرزىمىن ناقتى مەرزىمگە اۋىستىرعان ەدى. ەۋرووداققا مۇشە 27 ەلدىڭ ەلشىلەرى رەسەيلىك وپپوزيتسيونەر الەكسەي ناۆالنىيعا بايلانىستى رەسەيگە قارسى سانكتسيانى ماقۇلدادى، دەپ حابارلايدى Inbusiness.kz.
Cانكتسيانى ەندى ەۋروپالىق مينيسترلەر ماقۇلداۋى ءتيىس. بۇل شەكتەۋ ناۆالدىيدى تۇتقىنداۋعا قاتىسى بار ادامدارعا سالىنادى. ولارعا ادام قۇقىعىن بۇزدى دەگەن ايىپ تاعىلىپ وتىر. 22 اقپاندا ەۋرووداق كەڭەسى وسى ىسكە قاتىستى رەسەي ازاماتتارىنا قارسى سانكتسيا ەنگىزۋ تۋرالى شەشىم قابىلدادى.
وسىدان كەيىن وداق ديپلوماتياسىنىڭ باسشىسى جوزەپ بوررەل بريۋسسەل ءبىر اپتا ىشىندە رەسەي فەدەراتسياسىنا قارسى جاڭا سانكتسيالار دايىندايتىنىن ءمالىم ەتكەن ەدى.
2 اقپاندا ماسكەۋدىڭ سيمونوۆسكي سوتى ناۆالنىيدىڭ شارتتى مەرزىمىن ناقتى مەرزىمگە اۋىستىردى. وپپوزيتسيونەر «يۆ روشە» ءىسى بويىنشا ايىپتى بولىپ شىقتى. ناۆالنىي شارتتى ۇكىمنەن كەيىن 60 مارتە قوعامدىق ءتارتىپتى بۇزدى دەپ تانىلدى. ەندى ول كولونيادا 2 جىل 8 اي جازاسىن وتەيدى.
