امەريكانىڭ سەنت-لۋيس قالاسىنىڭ ون ءبىر جاسار تۇرعىنى ۇيدەن كوروناۆيرۋستان قايتىس بولعان اتا-اناسىنىڭ ءمايىتىن تاپتى، دەپ حابارلايدى “ادىرنا” ۇلتتىق پورتالى Sputnik قازاقستان سايتىنا سىلتەمە جاساپ.
قىز – وتباسىنداعى جالعىز بالا. قايتىس بولعان جۇپتىڭ كورشىسى ايتقانداي، قايعىلى وعيعاعا دەيىن قىزدىڭ اناسى ينسۋلت الىپ، اۋرۋحانادا ءبىراز ۋاقىت جاتقان. تەستىلەۋ ايەلدىڭ كوروناۆيرۋس جۇقتىرعانىن كورسەتكەندىكتەن، ناۋقاس ۇيىنە كارانتينگە جىبەرىلگەن. وسى ارادا كۇيەۋى دە كوروناۆيرۋس جۇقتىرعانى بەلگىلى بولدى.
اتا-انا ينفەكتسيانى جالعىز بالاسىنا جۇقتىرماۋ ءۇشىن كارانتيندى جەرتولەدە وتكىزۋگە شەشىم قابىلداعان. ءبىر كۇنى قىز جەرتولەگە ءتۇسىپ، اتا-اناسىنىڭ ءمايىتىن كورگەن. ولاردىڭ اۋرۋى اسقىنىپ كەتكەنى انىقتالدى.
كورشىلەر "ولار وتە جاقسى ادامدار بولعانىن" ايتتى. 11 جاسار بالا ءۇشىن اكە-شەشەسىنەن ءبىر ۋاقىتتا ايىرىلۋ – ناعىز تراگەديا، دەيدى ولار.
