كولۋمبياداعى اۋرۋحانالاردىڭ بىرىنە سيىر كىرىپ كەتتى. ول دارىگەرلەر مەن ناۋقاستاردىڭ زارەسىن ۇشىردى. وقيعا سان-لۋيس مۋنيتسيپاليتەتىنىڭ سان-رافاەل قالاسىندا بولعان. سيىر اۋرۋحاناعا كىرىپ كەتىپ، ادامدارعا شابۋىل جاسادى، دەپ حابارلايدى RT.
قاشپاق بولعان ايەلدەردىڭ ءبىرى جەرگە قۇلادى. سيىر بۇرىشتا قالىپ قويعان ايەلدى ءسۇزدى. بىراق بىرنەشە رەت تايىپ كەتىپ، قۇلادى. ەر ادامدار سيىردى دالاعا شىعارۋعا ارەكەت جاسادى. ءبىراز ۋاقىتتان سوڭ ول ءوزى عيماراتتان شىعىپ كەتتى.
دارىگەرلەر ايەلگە كومەك كورسەتتى. ونىڭ جاراقاتى اۋىر ەمەس ەكەنى ايتىلىپ وتىر.
سيىردىڭ اۋرۋحانا ماڭىندا تۇراتىن يەسىنەن قاشىپ كەتكەنى انىقتالدى. فەرمەر مەديتسينالىق مەكەمەگە كەلىپ، كەشىرىم سۇراعان. زارداپ شەككەن ايەلدىڭ جاعدايى مەن شىعىن مولشەرىن ءبىلىپ قايتتى.
