ەلىمىزدە كوممۋنالدىق قىزمەتتەر 4%-عا قىمباتتادى، دەپ حابارلايدى «ادىرنا» ءتىلشىسى «Qazaqstan» ۇلتتىق ارناسىنا سىلتەمە جاساپ.
بيىلعى قاڭتاردا تۇرعىن ءۇي قىزمەتتەرى، سۋ، ەلەكتر ەنەرگياسى، گاز جانە باسقا دا وتىن تۇرلەرىنىڭ تاريفتەرى بىلتىرعى قاڭتارمەن سالىستىرعاندا 3,8%-عا، ال ءبىر اي ىشىندە 0,6%-عا قىمباتتادى.
ءبىر جىلدا سونىمەن قاتار قوقىس شىعارۋ بىردەن 19,1%-عا، ۇيگە قىزمەت كورسەتۋ جانە جوندەۋ قىزمەتتەرى 6,3%-عا، ەلەكتر ەنەرگياسى 5,2%-عا ءوستى. سۋ تارتۋ جانە ورتالىقتان جىلىتۋ قىزمەتى سايكەسىنشە 1%-عا جانە 2%-عا ارزانداعان.
ەلىمىزدىڭ قالالارى بويىنشا قوقىس شىعارۋدىڭ ورتاشا ءتاريفى جان باسىنا 264 تەڭگە بولدى. ءبىر جىل بۇرىن بۇل كورسەتكىش 173,3 تەڭگە ەدى. ىستىق سۋ ءتاريفى ءبىر جىلدا 15,5%-عا قىمباتتاپ، 1 تەكشە مەترى ءۇشىن 267,6 تەڭگەگە جەتتى. سۋىق سۋ 3%-عا ءوسىپ، 1 تەكشە مەترى ءۇشىن 70,4 تەڭگە بولدى. تاراتۋ جەلىلەرى ارقىلى جىبەرىلەتىن تابيعي گاز باعاسى 33,5%-عا ءوسىپ، تەكشە مەترىنە 25 تەڭگەنى قۇرادى. سۇيىلتىلعان گاز قۇنى 5,3%-عا ارتىپ، كەلىسىنە 160,3 تەڭگە بولدى.
«ادىرنا» ۇلتتىق پورتالى
