Elimizde kommýnaldyq qyzmetter 4%-ǵa qymbattady, dep habarlaıdy «Adyrna» tilshisi «Qazaqstan» ulttyq arnasyna silteme jasap.
Bıylǵy qańtarda turǵyn úı qyzmetteri, sý, elektr energııasy, gaz jáne basqa da otyn túrleriniń tarıfteri byltyrǵy qańtarmen salystyrǵanda 3,8%-ǵa, al bir aı ishinde 0,6%-ǵa qymbattady.
Bir jylda sonymen qatar qoqys shyǵarý birden 19,1%-ǵa, úıge qyzmet kórsetý jáne jóndeý qyzmetteri 6,3%-ǵa, elektr energııasy 5,2%-ǵa ósti. Sý tartý jáne ortalyqtan jylytý qyzmeti sáıkesinshe 1%-ǵa jáne 2%-ǵa arzandaǵan.
Elimizdiń qalalary boıynsha qoqys shyǵarýdyń ortasha tarıfi jan basyna 264 teńge boldy. Bir jyl buryn bul kórsetkish 173,3 teńge edi. Ystyq sý tarıfi bir jylda 15,5%-ǵa qymbattap, 1 tekshe metri úshin 267,6 teńgege jetti. Sýyq sý 3%-ǵa ósip, 1 tekshe metri úshin 70,4 teńge boldy. Taratý jelileri arqyly jiberiletin tabıǵı gaz baǵasy 33,5%-ǵa ósip, tekshe metrine 25 teńgeni qurady. Suıyltylǵan gaz quny 5,3%-ǵa artyp, kelisine 160,3 teńge boldy.
«Adyrna» ulttyq portaly
