قازاقستاندا كوروناۆيرۋستىق ينفەكتسيانىڭ تارالۋ دەڭگەيىن تومەندەتۋ ماقساتىندا اعىمداعى جىلدىڭ ماۋسىمىنا دەيىن 145 مىڭ مەديتسينالىق ءدارى قوبديشاسى تابىسى از، اتاۋلى الەۋمەتتىك كومەك الۋشى وتباسىلارعا تەگىن جەتكىزىلەتىن بولادى، دەپ حابارلايدى «ادىرنا» ءتىلشىسى دەنساۋلىق ساقتاۋ مينيسترلىگىنىڭ ءباسپاسوز قىزمەتىنە سىلتەمە جاساپ.
مەديتسينالىق ءدارى قوبديشالارىن ساتىپ الۋعا قاراجات ازيا دامۋ بانكىنىڭ گرانتى ەسەبىنەن بولىنەتىن بولادى. ءدارى قوبديشالارىن بۇۇدب ارقىلى ساتىپ الۋ بولجانىپ وتىر.
جيىنتىقتاردىڭ قۇرامىن قر دەنساۋلىق ساقتاۋ مينيسترلىگى ايقىندادى جانە وعان تەرمومەترلەر، ماسكالار، دەزينفەكتسيالىق قۇرالدار جانە ستەرويدتى ەمەس قابىنۋعا قارسى پرەپاراتتار كىرەدى.
ءدارى قوبديشالارىن الۋشىلارعا جەتكىزۋدى قالالىق نەمەسە اۋداندىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار بولىمدەرى جانە اۋىلدىق اكىمدىكتەر جۇزەگە اسىرادى.
بۇل شارا ماتەريالدىق جاعدايى قيىن، اتاۋلى الەۋمەتتىك كومەك الۋشى وتباسىلاردىڭ ەكونوميكالىق جۇكتەمەسىن ازايتۋعا مۇمكىندىك بەرەدى. وسىلايشا، اعىمداعى جىلدىڭ ماۋسىمىنا دەيىن قازاقستانداعى تابىسى از وتباسىلارعا 145 مىڭ مەديتسينالىق ءدارى قوبديشاسى جەتكىزىلەتىن بولادى.
ەستەرىڭىزگە سالا كەتەيىك، 2020 جىلدىڭ 10 شىلدەسىندە قر ۇكىمەتىنىڭ كەڭەيتىلگەن وتىرىسىندا مەملەكەت باسشىسى تابىسى از وتباسىلاردى كوروناۆيرۋستىق ينفەكتسيانىڭ تارالۋىنا جول بەرمەۋ ماقساتىندا ءدارى-دارمەكتەرمەن جانە العاشقى مەديتسينالىق قورعاۋ قۇرالدارىمەن قامتاماسىز ەتۋدى تاپسىرعان بولاتىن.
«ادىرنا» ۇلتتىق پورتالى
