الماتى پوليتسەيلەرى تاعى ءبىر جەزوكشەلەر ءۇيىن انىقتادى، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
مەدەۋ اۋدانىندا ماسساج سالونىنىڭ اتىن جامىلىپ، ينتيمدىك قىزمەت كورسەتەتىن جەزوكشەلەر ءۇيى انىقتالدى. مەكەمەدە جۇمىس جاسايتىن قىزدار ماسساج قىزمەتىنەن باسقا ءوز كليەنتتەرىنە قوسىمشا جەكە قىزمەتتەر كورسەتتى.
– اكىمنىڭ تۇرعىندارمەن كەزدەسۋىندە اۋدان تۇرعىندارى تۇنگى ۋاقىتتا جۇمىس ىستەيتىن جەكە كەڭسەگە شاعىمداندى. جەدەل-الدىن الۋ ءىس-شارالارى بارىسىندا مەكەن-جايداعى ماسساج سالونى تەكسەرىلدى. تۇرعىنداردىڭ كۇدىكتەرى دالەلدى بولىپ شىقتى – مەكەمەدە جەزوكشەلەر ءۇيى ورنالاستىرىلعان، وندا جەدەل ىزدەۋشىلەر جەڭىل ءجۇرىستى 11 قىزدى انىقتادى. سونداي-اق، اكىمشىلىك وكىلدەرى مەن جۇمىسشى پەرسونال اۋداندىق باسقارماعا جەتكىزىلدى. ايتپاقشى، قىزدار اراسىندا ءبىزدىڭ وتانداستارىمىزدان باسقا، كورشى رەسپۋبليكالاردىڭ ايەلدەرى دە “جۇمىس ىستەدى”. ۇستالعانداردىڭ ءبىرى، 32 جاستاعى رەسەي فەدەراتسياسىنىڭ ازاماتى، ونىڭ قر قك-ءنىڭ 190-بابى بويىنشا سوتتالىعى بار، – دەپ ءتۇسىندىردى الماتى قالالىق پد كريمينالدىق پوليتسيا باسقارماسىنىڭ باستىعى ەركىن ىڭكاروۆ.
بارلىق “جەڭىل ءجۇرىستى” قىزدار ءۇشىن اكىمشىلىك جازالاۋ حاتتامالارى جاسالدى. سونداي-اق ءينتيمدى قىزمەتتەردى ۇسىنۋ ءۇشىن جالعا بەرگەن ءۇي يەسى تەكسەرىلەدى. ول قر-نىڭ زاڭناماسىنا سايكەس جاۋاپقا تارتىلادى.
«ادىرنا» ۇلتتىق پورتالى
