Almaty poliseilerı taǧy bır jezökşeler üiın anyqtady, dep habarlaidy «Adyrna» tılşısı Polisia.kz-ke sılteme jasap.
Medeu audanynda massaj salonynyŋ atyn jamylyp, intimdık qyzmet körsetetın jezökşeler üiı anyqtaldy. Mekemede jūmys jasaityn qyzdar massaj qyzmetınen basqa öz klientterıne qosymşa jeke qyzmetter körsettı.
– Äkımnıŋ tūrǧyndarmen kezdesuınde audan tūrǧyndary tüngı uaqytta jūmys ısteitın jeke keŋsege şaǧymdandy. Jedel-aldyn alu ıs-şaralary barysynda meken-jaidaǧy massaj salony tekserıldı. Tūrǧyndardyŋ küdıkterı däleldı bolyp şyqty – mekemede jezökşeler üiı ornalastyrylǧan, onda jedel ızdeuşıler jeŋıl jürıstı 11 qyzdy anyqtady. Sondai-aq, äkımşılık ökılderı men jūmysşy personal Audandyq basqarmaǧa jetkızıldı. Aitpaqşy, qyzdar arasynda bızdıŋ otandastarymyzdan basqa, körşı respublikalardyŋ äielderı de “jūmys ıstedı”. Ūstalǧandardyŋ bırı, 32 jastaǧy Resei Federasiiasynyŋ azamaty, onyŋ QR QK-nıŋ 190-baby boiynşa sottalyǧy bar, – dep tüsındırdı Almaty qalalyq PD Kriminaldyq polisiia basqarmasynyŋ bastyǧy Erkın Iŋkärov.Barlyq “jeŋıl jürıstı” qyzdar üşın äkımşılık jazalau hattamalary jasaldy. Sondai-aq intimdı qyzmetterdı ūsynu üşın jalǧa bergen üi iesı tekserıledı. Ol QR-nyŋ zaŋnamasyna säikes jauapqa tartylady. https://youtu.be/DgdHJO9symg
«Adyrna» ūlttyq portaly
Ūqsas jaŋalyqtar
