Túrkmenstanda 14 jastaǵy dzıýdoshy Súleımen Tursynbaevty IIM kýrsantyna qarsy jekpe-jekte jeńilýden bas tartqan soń ólgenshe uryp tastaǵan, dep habarlaıdy "Adyrna" ulttyq portaly Turkmen.news saıtyna silteme jasap.
Dzıýdoshy Bahardende óziniń salmaǵy boıynsha kúresip, birinshi oryn alǵan soń soqqyǵa jyǵyldy. Fınal aldynda odan IIM kýrsantynan jeńilýdi talap etkeni belgili boldy. Alaıda ol bas tartqan.
Sharadan keıin onyń jattyqtyrýshysyn soqqyǵa jyǵyp, ózin belgisiz baǵytta alyp ketken.
Osy jaǵdaıdan keıin araǵa birneshe kún salyp Súleımen Tursynbaev aýrýhanaǵa túsedi, aqyry 5 aqpan kúni ony jerleıdi. Ata-anasy sportshy soqqyǵa jyǵylǵan soń, búkil denesi aýyryp, bas súıegi synyp, baýyrynyń ezilip ketkenin aıtty.
IIM men bas prokýratýra 14 jastaǵy Súleımen Tursynbaevtyń ólimine qatysty tergeýdi áli bastamaǵan.
