قۇرمەتتى قاسىم-جومارت كەمەلۇلى!
بۇگىندە بۇكىل الەمدى الاڭداتىپ وتىرعان قىتاي ىندەتى، وكىنىشكە قاراي، ءبىزدىڭ ەلىمىزدى دە شارپىپ ءوتتى. پاندەميا العاش باستالعاننان-اق، ەلىمىزدە جاريالانعان مەرزىمسىز توتەنشە جاعدايلار حالىقتى ابدەن تيتىقتاتىپ شارشاتتى.
جالپى سوڭعى كەزدە قاتاڭ كارانتين شەكتەۋ-شارالارىنا قاراماستان ەلىمىزدە ىندەتتىڭ تارالۋى توقتار ەمەس، رەسمي ستاتيستيكا بويىنشا دەرت جۇقتىرعاندار سانى قازىر 202 مىڭعا جۋىقتادى.
https://www.coronavirus2020.kz/kz
"Covid-19" دەپ اتالاتىن قىتاي ىندەتى باستالعالى قانشاما ادام وسى ناۋقاستان قايتىس بولدى. جۇرت كادىمگىدەي ۇرەي قۇشاعىندا قالدى. بۇل ىندەت ءتۇرلى دەڭگەيدەگى بيلىك وكىلدەرىن دە اينالىپ وتكەن جوق. ەل اراسىندا «ۇكىمەت ىندەتتىڭ تارالۋىن باقىلاۋدان شىعارىپ الدى، سوندىقتان اۋرۋحانالاردا ورىن جەتىسپەيتىنى» تۋرالى دا دايەكتى اڭگىمەلەر كەڭىنەن ايتىلۋدا.مەملەكەتتىڭ ەڭ باستى بايلىعى مەن بيلىكتىڭ قاينار كوزى بولىپ تابىلاتىن "حالىقتىڭ" دەنساۋلىعى ارقاشان وتە ماڭىزدى ياكي پريوريتەتتى باعىت بولۋى ءتيىس.مىسالى رەسەيدىڭ ءوز ىشىندە عىلىمي پىكىرتالاس تۋعىزعان كۇماندى "سپۋتنيك V" ۆاكتسيناسىمەن قازاقستاندا 13,3 مىڭ مەديتسينا قىزمەتكەرى كوروناۆيرۋسقا قارسى ەكپە الدى جانە ءساۋىر-مامىر ايلارىندا اتالمىش رەسەيلىك ۆاكتسينا قازاقستاندا حالىقتىڭ نەعۇرلىم كەڭ توبىنا قولجەتىمدى بولادى»، دەپ دەنساۋلىق ساقتاۋ ءمينيسترى الەكسەي تسوي حابارلادى.
بىراق الەمدەگى دامىعان پروگرەسسيۆتى مەملەكەتتەردىڭ باسىم كوپشىلىگى رەسەيلىك "سپۋتنيك V" ۆاكتسيناسىنان باس تارتىپ وتىر. دالەل رەتىندە ۋكراينا پرەزيدەنتى ۆلاديمير زەلەنسكي رەسەيلىك "سپۋتنيك V" كوروناۆيرۋس ۆاكتسيناسىنىڭ تيىمدىلىگى دالەلدەنبەگەنىن جانە ۋكرايندىقتاردى وسى پرەپاراتپەن ەگۋ ارقىلى زەرتحاناداعى تاجىريبە جاسالىناتىن «قويان-كوجەك ەمەس» دەپ مالىمدەگەنىن ايتار ەدىم. سونىمەن قاتار ۋكراينا باسشىسى «رەسەيدە جاسالعان "سپۋتنيك V"-ۆاكتسيناسىنا، 90-91% كەپىلدىك،ياعني ناتيجە بەرەتىنى تۋرالى رەسمي اقپارات پەن ددۇ تاراپىنان دا، جەتەكشى ساراپشىلاردان دا راستاۋ مەن قولداۋ جوقتىعى تۋرالى باسا ايتتى.
الەمدىك دەڭگەيدەگى بەدەلدى مەديا باسىلىمدار مەن ۋكراينا پرەزيدەنتى ۆ.زەلەنسكي مىرزانىڭ دالەلدى- ۋاجىنە وراي مەن پرەزيدەنت ق.توقاەۆ پەن قازاقستان ۇكىمەتىنەن كۇماندى رەسەيلىك "سپۋتنيك V" ەكپەسىنەن باس تارتىپ،الەم مويىنداعان،اتاپ ايتسام اقش پەن گەرمانيا كومپانيالارى بىرىگىپ ازىرلەگەن كوروناۆيرۋسقا قارسى " Pfizer/BioTech" ۆاكتسيناسىن تۇگەل قازاقستان حالقىنىڭ دەنساۋلىعىن قامتاماسىز ەتەتىندەي كولەمدە ساتىپ الۋعا شاقىرامىن.سەبەبى ەكپە – تالاي ىندەتتىڭ الدىن الۋعا سەپ بولاتىن بىردەن-ءبىر قۇرال. ال ۆاكتسينا – ول سپەتسيفيكالىق پروفيلاكتيكا، ياعني قالىپتى ومىرگە اياق باسۋعا سەپتىگىن تيگىزەتىن شارالاردىڭ ءبىرى.
“اۋىرىپ ەم ىزدەگەنشە، اۋىرماۋدىڭ جولىن ىزدە” دەمەكشى، اۋرۋدىڭ الدىن الايىق، اۋىرمايىق، اعايىن!
قۇرمەتپەن، "دەموس"
قب توراعاسى
تۇراربەك قۇسايىنوۆ.
