قازاقستان پرەزيدەنتى قاسىم-جومارت توقاەۆ سوت جۇيەسىن جاڭعىرتۋ ماسەلەلەرى جونىندەگى كەڭەستە مەملەكەتتىك قىزمەتشىلەر مەن كاسىپكەرلەردىڭ ءوزارا ىقپالداستىعىنا قاتىستى ماسەلەنى قوزعادى، دەپ حابارلايدى “ادىرنا” ۇلتتىق پورتالى اقوردا. سايتىنا سىلتەمە جاساپ.
"كاسىپكەرلەرگە وراسان زور شىعىن كەلتىرگەن مەملەكەتتىك اپپارات پەن باسقا دا تۇلعالاردىڭ ءىسى اۋىر قىلمىسپەن تەڭەستىرىلۋى كەرەك دەپ سانايمىن. بۇل ماسەلەنى شۇعىل تۇردە زاڭنامالىق تۇرعىدان راسىمدەۋ قاجەت", – دەدى قاسىم-جومارت توقاەۆ.
پرەزيدەنت كاسىپكەرلەردىڭ قۇقىعىن قورعاۋ جونىندەگى ۋاكىلدىڭ جيىندا سويلەگەن سوزىنە تۇسىندىرمە بەردى.
"سىزدەر ايتقانداي، بيزنەستىڭ مۇددەسىن قورعاۋعا جانە ىلگەرىلەتۋگە قاتىستى "كەدەرگىلەر ارقىلى جۇگىرۋ" دەيتىن لابيرينت بار سياقتى. ماسەلەنى ءىس جۇزىندە دە، زاڭنامالىق باستامالار تۇرعىسىنان دا شەشۋ كەرەك. بۇعان قاتىستى ءتيىستى تاپسىرما بەرەمىن. ال اربيتراجعا، ساراپشىلار قاۋىمداستىعىن تارتۋعا بايلانىستى ناقتى ماسەلەلەرگە كەلەر بولساق، بۇل ۇسىنىستارعا جەتە ءمان بەرۋ قاجەت دەپ ويلايمىن", – دەدى مەملەكەت باسشىسى.
توقاەۆتىڭ پىكىرىنشە، ماسەلەنى ءتيىستى مەملەكەتتىك ورگاندار مەن ۇكىمەت قاراستىرىپ بولعاننان كەيىن، شۇعىل تۇردە ناقتى شەشىمدەر قابىلداعان ءجون.
