قازاقستاندا 1 ميلليوننان استام ازاماتتىڭ 2 ميلليارد تەڭگە قارىزى كەشىرىلدى. بۇل تۋرالى قارجى مينيسترلىگىنىڭ مەملەكەتتىك كىرىستەر كوميتەتى ءمالىم ەتتى.
ايتا كەتەيىك، سالىق راقىمشىلىعىن پايدالانعانداردىڭ قاتارى وتكەن جىلعا قاراعاندا بيىل 300 مىڭ ازاماتقا ارتىق. بۇل كورسەتكىش 2019 جىلمەن سالىستىرعاندا ەداۋىر وسكەن. ياعني، سالىق راقىمشىلىعىن ءوز پايداسىنا شەشكەندەر قاتارى ەلىمىز بويىنشا 70 پايىزعا جەتىپ وتىر، دەپ حابارلادى استانا ارناسى.
مەملەكەتتىك كىرىستەر كوميتەتى اتالمىش زاڭ سالىق بەرەشەگى بار جەكە تۇلعالار ءۇشىن كومەك رەتىندە ەنگىزىلگەنىن ايتادى.
"سالىقتىڭ نەگىزگى سوماسىن تولەسە، ءوسىمپۇل كەشىرىلەدى. ياعني ازاماتتارعا جەڭىلدىك جاسالىپ وتىر. ەكىنشىدەن سالىق بويىنشا بەرەشەگىن قۇتىلادى. سونىمەن قاتار بۇل سالىققا قاتىستى جاعدايدى جاقسارتادى", - دەيدى قارجى مينيسترلىگىنىڭ ءباسپاسوز حاتشىسى الىبەك ءابدىلوۆ.
