Qazaqstanda 1 mıllıonnan astam azamattyń 2 mıllıard teńge qaryzy keshirildi. Bul týraly qarjy mınıstrliginiń memlekettik kirister komıteti málim etti.
Aıta keteıik, salyq raqymshylyǵyn paıdalanǵandardyń qatary ótken jylǵa qaraǵanda bıyl 300 myń azamatqa artyq. Bul kórsetkish 2019 jylmen salystyrǵanda edáýir ósken. Iaǵnı, salyq raqymshylyǵyn óz paıdasyna sheshkender qatary elimiz boıynsha 70 paıyzǵa jetip otyr, dep habarlady Astana arnasy.
Memlekettik kirister komıteti atalmysh zań salyq bereshegi bar jeke tulǵalar úshin kómek retinde engizilgenin aıtady.
"Salyqtyń negizgi somasyn tólese, ósimpul keshiriledi. Iaǵnı azamattarǵa jeńildik jasalyp otyr. Ekinshiden salyq boıynsha bereshegin qutylady. Sonymen qatar bul salyqqa qatysty jaǵdaıdy jaqsartady", - deıdi qarjy mınıstrliginiń baspasóz hatshysy Álibek Ábdilov.
