قايبىر جىلى قازۇۋدىڭ ماڭايىندا "تەگىن دونەر" دەگەن الاقانداي قاعازداعى جارناماعا تايلى-تۇياعىمەن جينالعان حالىق ءبىرىن-ءبىرى تاپتاپ، بوقتاپ، ءتىپتى، ءبىر ادام تاپتالىپ ولگەن بە ەدى، الدە اۋىر حالدە اۋرۋحاناعا جەتكىزىلگەن بە ەدى؟..
"تىرجالاڭاش دۇكەنگە كەلگەن ادامعا 5 مىڭ تەڭگەنىڭ زاتىن بەرەمىز" دەگەندە ونداعان ادام جالاڭاشتانىپ، "سەكسي" فيگۋرالارىمەن دۇكەن ارالاپ جۇرگەن كۇندى دە كورگەنبىز...
تەگىن پالاۋ - ول ەستە... ايدالاعا ون مىڭداپ ادام جينالعان... انشەيىندە ءباندى اتارعا وعى بولماي، سىرتىنان جەك كورىپ جۇرەتىن قازاق بوكەڭنىڭ تەگىن پالاۋىن جەۋ ءۇشىن قالادان، دالادان، اۋىلدان سوناۋ كوكپار الاڭىنا جاياۋلاتىپ سابىلعان ەدى...
وسى تۇرىمىزبەن "ماڭگىلىك ەل" دەپ كوكىرەك كەرەمىز...
"ماڭگىلىك ەل" بولۋ ءۇشىن الدىمەن جۇيەڭنىڭ ۇرى-قارلىعىن توقتات، حالقىڭنىڭ كوزىن اش، كوكىرەگىن ويات، ساۋاتىن ارتتىر، رۋحىن جانى، ولگەن نامىسىن ءتىرىلت، عىلىم-ءبىلىمدى دامىت... سودان كەيىن "ماڭگىلىك ەل" تۋرالى اڭگىمە ايت، ءنان اتا...
فوتو اشىق دەرەككوزدەن الىندى.
