Eurasian Resources Group (ERG) كومپانياسىنىڭ نەگىزگى اكتسيونەرلەرىنىڭ ءبىرى، قازاقستاندىق ەڭ باي بيزنەسمەندەردىڭ بەستىگىنە كىرگەن وليگارح اليدجان يبراگيموۆ كوروناۆيرۋستان قايتىس بولدى، دەپ حابارلايدى «ادىرنا» ءتىلشىسى.
« بۇگىن 67 جاسىندا ERG-ءدىڭ نەگىزىن قالاۋشىلاردىڭ ءبىرى، ديرەكتورلار كەڭەسىنىڭ مۇشەسى اليدجان راحمانۇلى يبراگيموۆتىڭ قايتىس بولعانىن حابارلايمىز",-دەپ جازدى كومپانيانىڭ ءباسپاسوز قىزمەتى.
اليدجان راحمانۇلى يبراگيموۆ 1953 جىلى 5 ماۋسىمدا تۋعان. ماسكەۋ ۆەتەريناريالىق اكادەمياسىن (1974) بىتىرگەن، ماماندىعى - «ونەركاسىپ تاۋارلارى ءوندىرىسىن ۋيىمداستىرۋ مەن ساۋداسى ەكونوميكاسى». 1974 جىلدان - جەڭىل ونەركاسىپتىڭ بىرقاتار كاسىپورىندارىندا ەكونوميست، باسشى. 1991 جىلدان - «نەۆادا-سەمەي» اق باس ديرەكتورى، باسقارماسىنىڭ تەراعاسى، پرەزيدەنتى. 1994-1998 جىلدارى - «ەۋرازيالىق بانك» اق ديرەكتورلار كەڭەسىنىڭ تەراعاسى. 2001-2007 جىلدارى - ەۋرازيا ونەركاسىپ قاۋىمداستىعى تورالقاسىنىڭ مۇشەسى. 2002 جىلدان - «قازحروم» تۇك» اق پرەزيدەنتى. 2004 جىلدان - «قازحروم» تۇك» اق ديرەكتورلار كەڭەسىنىڭ توراعاسى.
قازاقستاننىڭ الەۋمەتتىك-ەكونوميكالىق دامۋىنا قوسقان زور ۇلەسى ءۇشىن «قۇرمەت» وردەنىمەن (2004), سونداي-اق بيزنەس پەنجەبەۋشىلىكتى دامىتۋداعى ەلەۋلى ۇلەسى ءۇشىن ۇكىمەتتىك ماداقتار جانە باسقا ەلدەردىڭ قوعامدىق ۇيىمدارىنىڭ وردەندەرىمەن ماراپاتتالعان.
«ادىرنا» ۇلتتىق پورتالى
