Eurasian Resources Group (ERG) kompanııasynyń negizgi akıonerleriniń biri, qazaqstandyq eń baı bıznesmenderdiń bestigine kirgen olıgarh Alıdjan Ibragımov koronavırýstan qaıtys boldy, dep habarlaıdy «Adyrna» tilshisi.
« Búgin 67 jasynda ERG-diń negizin qalaýshylardyń biri, dırektorlar keńesiniń múshesi Alıdjan Rahmanuly Ibragımovtyń qaıtys bolǵanyn habarlaımyz",-dep jazdy kompanııanyń baspasóz qyzmeti.
Alıdjan Rahmanuly Ibragımov 1953 jyly 5 maýsymda týǵan. Máskeý veterınarııalyq akademııasyn (1974) bitirgen, mamandyǵy - «Ónerkásip taýarlary óndirisin ýıymdastyrý men saýdasy ekonomıkasy». 1974 jyldan - jeńil ónerkásiptiń birqatar kásiporyndarynda ekonomıst, basshy. 1991 jyldan - «Nevada-Semeı» AQ bas dırektory, basqarmasynyń teraǵasy, prezıdenti. 1994-1998 jyldary - «Eýrazııalyq bank» AQ Dırektorlar keńesiniń teraǵasy. 2001-2007 jyldary - Eýrazııa ónerkásip qaýymdastyǵy tóralqasynyń múshesi. 2002 jyldan - «Qazhrom» TUK» AQ prezıdenti. 2004 jyldan - «Qazhrom» TUK» AQ Dırektorlar keńesiniń tóraǵasy.
Qazaqstannyń áleýmettik-ekonomıkalyq damýyna qosqan zor úlesi úshin «Qurmet» ordenimen (2004), sondaı-aq bıznes penjebeýshilikti damytýdaǵy eleýli úlesi úshin úkimettik madaqtar jáne basqa elderdiń qoǵamdyq uıymdarynyń ordenderimen marapattalǵan.
«Adyrna» ulttyq portaly
