رەسەيدىڭ اقپارات بويىنشا فەدەراتسيا كەڭەسى كوميسسياسىنىڭ توراعاسى، سەناتور الەكسەي پۋشكوۆ پوستكەڭەستىك ەلدەردىڭ ىشىندەگى ءوزارا ساياسي باسەكەلەستىكتىڭ ارتىپ بارا جاتقانىنا الاڭداپ، كرەملگە قاراتا قاعىتپا جاسادى. اقش-تىڭ پرەزيدەنت تاعىنا بايدەننىڭ كەلگەنى بۇل باسەكەلەستىكتى ارتىرىپ جىبەرىپ، پوستكەڭەستىك ەلدەردە رەسەيگە قارسى سەپاراتيستتىك پيعىلداعى توپتاردىڭ جۇمىس جاساۋى كۇشەيۋى مۇمكىن دەدى، پۋشكوۆ. اقش پرەزيدەنتى بايدەننىڭ پوستكەڭەستىك ەلدەرگە ىقپال جاساپ، ءورتتى تۇتاندىرۋىن دا اتاپ ءوتتى. سونىڭ ىشىندە قازاقستاندى جەكە ءسوز قىلدى. اقش-تىڭ نازارى بەلارۋسكە، قازاقستانعا ەرەكشە ءتۇسىپ وتىرعانىن ايتتى.
بۇگىن رەسەي وكىمەتى جالپىحالىقتىق نارازىلىققا قاراماي، ساياساتكەر ناۆالنىيدى 3,5 جىل تۇرمەگە توعىتتى. رەسەيدە قازىر جالپىقالىقتىق ەرەۋىلدەر مەن دەمونستراتسيالاردىڭ وشاقتارى قالىپتاسىپ بولدى. سوڭى رەۆوليۋتسياعا ۇلاسۋى مۇمكىن دەگەن بولجامدار دا جوق ەمەس. بۇل ەرەۋىلدەر اقش-تىڭ جامباسىنا جاتىق كەلىپ تۇرعانى ايدان انىق. اقش-تىڭ "سولتۇستىك اعىن-2" ستراتەگيالىق جوباسىنا سالىنعان سانكتسياسىنىڭ كەسىرىنەن 120 شەتەلدىك مەردىگەر كومپانيالار الىپ پروەكتىگە قاتىسۋدان ەرىكسىز باس تارتىپ وتىر. اقش مۇنىمەن دە توقتاماي، ەۋرووداقتىڭ ەلدەرىن كەلىسىمگە شاقىرىپ، رەسەيگە قارسى ورتاق كۇشكە بىرىگۋگە ۇندەپ جاتىر.
وسى جاعدايلارعا شامدانعان رەسەيلىك دەپۋتاتتار مەن ءارتۇرلى تاراپتاعى فەدەراتسيا كەڭەستەرىنىڭ باسشىلارى جانتالاسىپ، كرەملگە قاراپ بازىنا ايتۋدى باستاپ كەتتى. ناۆالنىيدىڭ قاماۋعا الىنۋى ءپۋتيننىڭ ەڭ ۇلكەن قاتەلىگى بولۋى مۇمكىن.
بەكبولات قارجاننىڭ جازباسىنان.
