SpaceX جانە Tesla نەگىزىن قالاۋشى يلون ماسكقا تيەسىلى Neuralink كومپانياسى مايمىل ميىنا نەيرويمپلانتتى ەنگىزۋ تاجىريبەسىن ءساتتى وتكىزدى، دەپ حابارلايدى «ادىرنا» ءتىلشىسى.
«ول ساناسى ارقىلى بەينەويىندار ويناي الادى. الداعى ۋاقىتتا ءبىز مايمىلداردىڭ ءبىر-بىرىمەن تەننيس ويناعانىن قالايمىز»،-دەدى ماسك.
كاسىپكەردىڭ ايتۋىنشا، چيپ جانۋار تەرىسىنىڭ استىندا تولىعىمەن جاسىرىلعان جانە وعان زيان تيگىزبەيدى. قازىرگى تاڭدا مايمىل ءوزىن جاقسى سەزىنەدى.
سونداي-اق ونەرتاپقىش چيپتەۋ تەحنولوگياسىن جەتىلدىرۋ مي مەن جۇلىن جاراقاتتارىن جويۋعا جانە جوعالعان قابىلەتتەردىڭ ورنىن تولتىرۋعا باعىتتالعانىن اتاپ ءوتتى.
ايتا كەتەيىك، ماسك بۇعان دەيىن ادام ميىنا ەنگىزبەك بولىپ جۇرگەن ءچيپتى شوشقاعا سالىپ كورگەن ەدى.
«ادىرنا» ۇلتتىق پورتالى
