ايماعامبەتوۆكە قارسى اقپاراتتىق ناۋقان ءجۇرىپ جاتىر ما؟

4867
Adyrna.kz Telegram

كەشە ۇكىمەتتىڭ كەڭەيتىلگەن وتىرىسىندا پرەزيدەنت قاسىم-جومارت توقاەۆ ساپاسىز ءبىلىم بەرەتىن جوعارى وقۋ ورىندارىنا قاتىستى ەسكەرتۋ ايتتى، دەپ حابارلايدى «ادىرنا» ۇلتتىق پورتالى قازاقپاراتقا سىلتەمە جاساپ.

پرەزيدەنتتىڭ ايتۋىنشا، ۇكىمەتكە جوعارى وقۋ ورىندارى ءۇشىن بولىنەتىن مەملەكەتتىك گرانتتاردى نارىقتىڭ ناقتى سۇرانىستارىمەن تىعىز بايلانىستىرۋ ماقساتى جۇكتەلىپ تۇر. جىل سايىن بولىنەتىن گرانتتاردىڭ ءبىر بولىگى ءتيىستى ماماندىقتاردىڭ سۇرانىسىمەن قامتاماسىز ەتىلمەگەن. وسى ورايدا بيۋدجەت قارجىسى جەلگە ۇشادى.

«مەنىڭ تاپسىرمام بويىنشا ۇكىمەت ساپاسىز ءبىلىم بەرىپ جاتقان جوعارى وقۋ ورىندارىن قىسقارتۋ جۇمىسىن جالعاستىرىپ جاتىر. الايدا كەيبىر جوو-لار ءتۇرلى پروتسەسسۋالدىق ارەكەتتەرمەن وقۋ ورنىن جابۋ پروتسەسىن 1,5 جىلعا دەيىن سوزىپ كەلەدى. ءبىلىم جانە عىلىم مينيسترلىگىنە قارسى اقپاراتتىق ناۋقان ءجۇرىپ جاتىر. ۇكىمەتكە ءتيىستى شارالاردى قابىلداۋدى تاپسىرامىن»، – دەدى مەملەكەت باسشىسى.

سونىمەن بىرگە پرەزيدەنت اكادەميالىق ادالدىقتى بۇزعانى ءۇشىن جوو-لار جاۋاپكەرشىلىگىن قوسىمشا كۇشەيتۋ كەرەكتىگىن اتاپ ءوتتى. ق. توقاەۆ ساپالى ءبىلىم بەرىپ جاتقان جوعارى وقۋ ورىندارىن جان-جاقتى نىعايتۋ كەرەكتىگىن تاپسىردى. تۇراقتى دامۋدى قامتاماسىز ەتۋ ءۇشىن 15 بازالىق وڭىرلىك جوعارى وقۋ ورىندارىن جاڭعىرتۋ كەرەكتىگى ايتىلدى. ولار تالانتتاردى تارتۋدىڭ وڭىرلىك ورتالىقتارى رەتىندە قىزمەت ەتەدى. وسى ورايدا ۇكىمەتكە اكىمدىكتەرمەن بىرلەسە 1 شىلدەگە دەيىن ءتيىستى قادامدارمەن، كەزەڭدەرمەن ءارى قارجىلاندىرۋ كولەمىمەن تىڭعىلىقتى جول كارتاسىن ەنگىزۋ جۇكتەلدى.

پىكىرلەر