دۋمان بىقاي: وداقتاسىنىڭ كەمسىتۋىنە كونگەن ءبىزدىڭ بيلىكتە مىنەز جوق

3384
Adyrna.kz Telegram

قازاقستانداعى ورىس دياسپوراسى ناۆالنىيعا ازاتتىق اكتسياسىن ۇيىمداستىراتىن ءجونى بار ەدى. وكىنىشتىسى بىزدەگى ءورىستىلدى اۋديتوريا كومادا جاتىر، كومادا. ولارعا ەشتەڭە كەرەگى جوق. بىزدەگى ساياسي وزگەرىسكە تەجەۋ بولىپ وتىرعان دا وسى اۋديتوريا.  رەسەيدەگى پۋشكين الاڭى اۋزى-مۇرنىنان شىعىپ تۇر. جاستار كوپ. دال قازىر دوجد تەلەارناسىن تىكەلەي ەفيردە 418 مىڭ (!) ادام تاماشالاپ وتىر.

باتكانىڭ باسىنا تۋعان كۇن پۋتينگە دە كەلدى. "پۋتين ۆور! راز، دۆا، تري پۋتين ۋحودي!..". حالىقتىڭ اشۋى كەمەرىنە كەلىپ، اسىپ توگىلۋگە شاق تۇر.

ءپۋتيننىڭ ءزاۋلىم سارايى تۋرالى ءناۆالنىيدىڭ ۆيدەوسى 68 ملن رەت قارالىپتى. ي ەتو ەششە نە پرەدەل.

يۋليا ناۆالنايانى الدى-ارتىنا قاراتپاي دەدەكتەتىپ وتىرىپ اۆتوزاكقا ءبىر-اق تىقتى. الاڭداعى ناۆالنىيدىڭ اناسىن دا قاماۋعا الدى دەيدى.

وسىندايدا كرەملگە قارىمتا قايتارۋدى ويلاستىرۋ كەرەك ەدى. ءبىزدىڭ سىرقى ىستەر مينيسترلىگى "ناۆالنىيدىڭ قامالۋى زاڭسىز" دەپ از-مۇز نارازىلىق تانىتىپ، وزگە وركەنيەتتى ەلدەر سەكىلدى ءوز پوزيتسياسىن بىلدىرسە ەش سوكەتتىگى جوق. ءاي، بىراق... مۇندايعا بارماسى بەسەنەدەن بەلگىلى. انشەيىن فانتازيا عوي. وداقتاسىنىڭ كەمسىتۋىنە كونگەن ءبىزدىڭ بيلىكتە مۇنداي مىنەز جوق.

الاڭعا شىققانداردىڭ اراسىندا پاتشالىق رەسەيدىڭ تۋىن ۇستاعاندار ءجۇر. ورىس حالقىنىڭ بويىنداعى يمپەرلىك پيعىل ءالى جوعالعان جوق. شىم-شىمداپ شىعىپ بولعانشا قانشا ۋاقىت وتەرى بەلگىسىز. پۋتين وسى پاتولوگيانى جاقسى بىلەدى، سول سەبەپتى حالىقتىڭ كوڭىل-كۇيىندە وينايدى.

اعىلشىن تىلىندە trust network دەگەن تۇسىنىك بار. قازاقشاسى "سەنىمدى ادامداردان قۇرالعان توپ" دەگەندى بىلدىرەدى.  رەسەيدەگى جانە بىزدەگى ساياسي جۇيە وسىعان قۇرىلعان. ايتپەسە عابيدوللا ءابدىراحىموۆتىڭ مادەنيەت ۆيتسە-ءمينيسترى بولۋى ەشقانداي لوگيكاعا سىيمايدى. ول trust network-ءتىڭ تىزىمىنە ەنگەن. اينالىپ جۇرە بەرەدى، جۇرە بەرەدى.

پىكىرلەر