بۇگىن، 18 قاڭتاردا اتىراۋدا جاڭا تۋعان بالانى الدىن-الا ءسوز بايلاسۋ ارقىلى ءولتىردى دەپ ايىپتالعان وبلىستىق پەريناتالدى ورتالىق دارىگەرلەرىنە سوت ۇكىمىن جاريالادى، دەپ حابارلايدى «ادىرنا» ءتىلشىسى «اقجايىق» گازەتىنە سىلتەمە جاساپ.
سوت ولاردى كىنالى دەپ تانىپ، پەريناتالدى ورتالىقتىڭ بۇرىنعى باس دارىگەرى قۋانىش نىسانباەۆتى 18 جىلعا، اكۋشەر-گينەكولوگ اسقار قايىرجاندى - 16 جىلعا، اكۋشەركا ءجاميلا قۇلباتىروۆانى - 15 جىلعا باس بوستاندىعىنان ايىردى. نەوناتولوگ-دارىگەرلەر رۋسلان نۇرمۇحامبەتوۆ پەن داريعا جۇماباەۆا قىلمىس تۋرالى حابارلاماعانى ءۇشىن كىنالى دەپ تانىلىپ، ءۇش جىلعا باس بوستاندىعى شەكتەلدى.
ۇكىم شىعارعان كەزدە ولار قابىلداعان «گيپپوكرات انتىن» بۇزعانىن سوت ايىپتالۋشىلار ءۇشىن اۋىرلاتاتىن ءمان-جاي دەپ تانىدى.
ايتا كەتەيىك، وتكەن جىلى اتىراۋ وبلىستىق پەريناتالدىق ورتالىعىنىڭ ماماندارىنا قاتىستى قك «قاساقانا ادام ءولتىرۋ بابى» بويىنشا ءىس قوزعالعان بولاتىن. اق حالاتتىلار ءتىرى نارەستەنى ءولى تۋىلعان دەپ ەسەپكە الىپ، توڭازىتقىشقا سالعان.
«ادىرنا» ۇلتتىق پورتالى
