Jańa týǵan balany sóz baılasý arqyly óltirgender sottaldy

2313
Adyrna.kz Telegram

Búgin, 18 qańtarda Atyraýda jańa týǵan balany aldyn-ala sóz baılasý arqyly óltirdi dep aıyptalǵan oblystyq perınataldy ortalyq dárigerlerine sot úkimin jarııalady, dep habarlaıdy «Adyrna» tilshisi «AqJaıyq» gazetine silteme jasap.

Sot olardy kináli dep tanyp, perınataldy ortalyqtyń burynǵy bas dárigeri Qýanysh NYSANBAEVTY 18 jylǵa, akýsher-gınekolog Asqar QAIYRJANDY - 16 jylǵa, akýsherka Jámıla QULBATYROVANY - 15 jylǵa bas bostandyǵynan aıyrdy. Neonatolog-dárigerler Rýslan NURMUHAMBETOV pen Darıǵa JUMABAEVA qylmys týraly habarlamaǵany úshin kináli dep tanylyp, úsh jylǵa bas bostandyǵy shekteldi.

Úkim shyǵarǵan kezde olar qabyldaǵan «Gıppokrat antyn» buzǵanyn sot aıyptalýshylar úshin aýyrlatatyn mán-jaı dep tanydy.

Aıta keteıik, ótken jyly Atyraý oblystyq perınataldyq ortalyǵynyń mamandaryna qatysty QK «qasaqana adam óltirý baby» boıynsha is qozǵalǵan bolatyn. Aq halattylar tiri náresteni óli týylǵan dep esepke alyp, tońazytqyshqa salǵan.

«Adyrna» ulttyq portaly

Pikirler