"اباي" تەلەارناسىنىڭ باس پروديۋسەرى،
مادەنيەت جانە اقپارات سالاسىنىڭ ۇزدىگى، جۋرناليست، ف.ع.ك. جاڭىلحان اسىلبەكوۆا "سالماقتى سۇحبات" حالىقارالىق ونلاين ستۋدياسىنىڭ قوناعى بولدى.
"سالماقتى سۇحباتتىڭ" مودەراتورى، عىلىم باعىتى بويىنشا "قازاقستاننىڭ 100 جاڭا ەسىمى" جوباسىنىڭ جەڭىمپازى، "لينگۆيستيكا" ماماندىعى بويىنشا فيلوسوفيا دوكتورى (PhD) قۋانىش جۇمابەكۇلى جاڭىلحان اسىلبەكوۆاعا تومەندەگىدەي سۇراقتار قويدى:
1) مەملەكەت باسشىسى قاسىم-جومارت توقاەۆ «تاۋەلسىزدىك بارىنەن قىمبات» اتتى ماقالاسىندا «تاريحقا كوز جۇگىرتسەك، ءار بۋىن بەلگىلى ءبىر سىناقتى باسىنان وتكەرەدى. ءبىزدىڭ بابالارىمىز «اقتابان شۇبىرىندى، القاكول سۇلامانى»، اتالارىمىز الاپات اشارشىلىقتى، قۋعىن-سۇرگىندى، دۇنيەجۇزىلىك سوعىستى كوردى.
توتاليتارلىق كەزەڭدە ۇلتتىق قۇندىلىقتارىمىزدان، تىلىمىزدەن، ءدىلىمىز بەن دىنىمىزدەن ايىرىلىپ قالا جازدادىق. ونىڭ ءبارى تاۋەلسىزدىكتىڭ ارقاسىندا حالقىمىزعا قايتا ورالدى. بىراق، ۇلت پەن ەل رەتىندە ساقتالىپ قالۋ ءۇشىن بۇگىنگى جانە بولاشاق ۇرپاق جاڭا سىن-قاتەرلەرگە دايىن بولۋى كەرەك»، – دەگەن بولاتىن.
ءسىزدىڭ ويىڭىزشا بۇگىنگى تاڭدا قازاق حالقى قانداي سىن-قاتەرلەردى باسىنان وتكەرىپ جاتىر؟
2) پرەزيدەنتتىڭ قازاق ءتىلىن ءالى جەتە مەڭگەرمەگەن وتانداستارىمىزعا ۇندەۋ تاستاعانىن بىلەسىز.
ماسەلە نيەتتە ەكەنىن ايتتى. «ەشتەن كەش جاقسى. ەڭ باستىسى، ىنتا بولۋى كەرەك»، – دەدى.
قاراپ وتىرساق، بيىل تاۋەلسىزدىگىمىزگە 30 جىل تولادى.
ءالى دە قازاقشا بىلمەيتىندەر كوپ.
ىنتاسى جوقتاردى ىنتالاندىرۋدىڭ جاڭا تاسىلدەرىن ويلاستىرعان دۇرىس پا، الدە بۇل مىندەتتەۋ ارقىلى عانا شەشىلەتىن نارسە مە؟
3) جازا-جازا جاۋىر، ايتا-ايتا اقجەم بولعان تاقىرىپتاردىڭ ءبىرى — وسى ءتىل ماسەلەسى.
قازاق ءتىلىنىڭ ءوز تۇعىرىنا قونۋىنا قانشا ۋاقىت قالدى دەپ ويلايسىز؟
4) جارتىلاي قازاقشا، جارتىلاي ورىسشا تۇسىرىلگەن فيلمدەر بار. ارالاس مەكتەپتەر دە جەتەرلىك. بۇلار كىمگە ءدارۋ، نەگە ءزارۋ؟
تولىق سۇحباتتى تومەندەگى سىلتەمەدەن كورە الاسىزدار!
(ينستاگرام: kuanysh_zhumabekuly
YouTube: قۋانىش جۇمابەكۇلى)
