يندونەزيالىق Boenig 737-500 ۇشاعى اپاتقا ۇشىرادى

2025
Adyrna.kz Telegram

يندونەزيا استاناسى دجاكارتادان ۇشىپ شىققان   Sriwijaya Air اۋەكومپانياسىنا تيەسىلى بوينگ 737-500 ۇشاعى راداردان جوعالىپ كەتكەن. بۇل تۋرالى «ادىرنا» ۇلتتىق پورتالى ria.ru- عا سىلتەمە جاساي وتىرىپ حابارلايدى.

ۇشاق بورتىندا 65 جولاۋشى بولعان.  قۇلاعان ايماقتا ۇشاقتىڭ سىنىقتارى، سونداي-اق  ادام دەنەلەرىنىڭ  بولىكتەرى تابىلدى.

سول ەلدىڭ كولىك ءمينيسترى بۋدي كاريا ءسۋماديدىڭ ايتۋىنشا، بوينگ لاكي ارالىنىڭ ماڭىندا قۇلاعان. بورتتا 65 ادام  — 53 جولاۋشى جانە 12 ەكيپاج مۇشەسى بولعان.

ال Airlive مامانداندىرىلعان پورتالىنىڭ مالىمەتتەرى بويىنشا ۇشاق بورتىندا 62 ادام بولعان. ولاردىڭ ىشىندە 46 ەرەسەك ادام، جەتى بالا جانە ءۇش ءسابي، سونداي-اق ەكى ۇشقىش جانە ءتورت بورتسەرىك بار.

سينحۋا اگەنتتىگى جەرگىلىكتى تەلەارنالارعا سىلتەمە جاساي وتىرىپ، ۇشاق دجاكارتا ماڭىنداعى سۋعا قۇلاعاندىعىن حابارلادى.

اتالعان اگەنتتىكتىڭ  حابارلاۋىنشا، جەرگىلىكتى تۇرعىندار جوعالعان ۇشاقتىڭ بولىگى بولىپ تابىلاتىن كابەل مەن سىمداردىڭ ورالعان موتورىن تاپقان.  ونىڭ بيلىك ورىندارىنا تاپسىردى.

جاقىن ماڭايداعى  ارالداردىڭ تۇرعىندارى، جەرگىلىكتى باق جازعانداي، ەكى جارىلىستىڭ دىبىسىن  ەستىگەن، سودان كەيىن سىنىقتاردى كورگەن.

فوتو اشىق دەرەككوزدەن الىندى

پىكىرلەر