6 قاڭتاردا شىمكەنت قالاسىنىڭ قاراتاۋ اۋداندىق پوليتسيا باسقارماسىنا وننان استام ادام جينالىپ, بىرنەشە ساعات بۇرىن ءۇيىنە ءتىنتۋ جءۇرگىزىلىپ, ءوءزى ۇستاپ ءاكەتىلگەن بەلسەندى نۇرجان مۇحاممەدوۆتى بوساتۋدى تالاپ ەتتى. بەلسەندىنىڭ ءايەلى باعيلا تەكەباەۆانىڭ سءوزىنە قاراعاندا, ءتىنتۋ 6 قاڭتار تءۇسكە دەيىن بولعان. بۇل تۋرالى «ادىرنا» ۇلتتىق پورتالى ازاتتىققا سىلتەمە جاساپ حابارلايدى.
- كورشىمنىڭ ءبارى "ويباي، ء[ۇيىڭنىڭ الدىندا] ون ماشىنەدەن ارتىق كولىك تۇر. ەسىك الدىندا ميليتسيا قاپتاپ كەتتى" دەپ حابارلاستى. بالا-شاعامنىڭ ءبارىنىڭ تەلەفونى ءوشىپ قالعان. سوسىن جۇگىرىپ، تاكسي جالداپ، ۇيىمە بارعانشا، بۇلار الىپ كەتىپ قالعان. ۇيگە كىرىپ، ەسىكتى اشسام، بالالارىم "اكەمدى اكەتىپ قالدى" دەپ شىرىلداپ تۇر. ءۇيدىڭ ءبارىن شاشىپ كەتكەن. قورقىتقان، - دەدى بەلسەندىنىڭ ايەلى ازاتتىق تىلشىسىنە.
سارسەنبى كۇنى تۇستەن كەيىن پوليتسيا باسقارماسىنىڭ الدىنا جينالعان ادامدار پوليتسيا قىزمەتكەرلەرىنەن مۇحاممەدوۆتى قانداي نەگىزدە ۇستاپ اكەتكەنىن ءتۇسىندىرۋدى تالاپ ەتتى. عيمارات سىرتىندا "بوساتىلسىن!" دەپ تە ايقايلادى.
كەيىنىرەك تۇرعىندار الدىنا شىققان كەزەكشى پروكۋرور فارابي ايتىمبەتوۆ بەلسەندى نۇرجان مۇحاممەدوۆتى قىلمىستىق كودەكستىڭ 405-باپ 1-بولىگى بويىنشا ("تىيىم سالىنعان ۇيىمنىڭ ىسىنە ارالاسۋ") تەرگەپ جاتقانىن ايتتى. پروكۋروردىڭ ايتۋىنشا، بۇل ءىس بويىنشا مۇحاممەدوۆكە كۇدىكتى ستاتۋسى بەرىلگەن. بىراق ول ونى قاشان بوساتاتىنى تۋرالى سۇراققا جاۋاپ بەرمەدى.
46 جاستاعى نۇرجان مۇحاممەدوۆ ايەلى جانە كامەلەتكە تولماعان بەس بالاسىمەن بىرگە شىمكەنتتىڭ قاراتاۋ اۋدانىنداعى قايناربۇلاق ساياجايىندا پاتەر جالداپ تۇرادى. ول بۇعان دەيىن "ساياسي تۇتقىندارعا بوستاندىق" تالاپ ەتكەن جيىندارعا قاتىسىپ، قىتاي ەكسپانسياسىنا، جەردىڭ ساتىلۋىنا قارسى شىققان. سول ءۇشىن بىرنەشە رەت اكىمشىلىك جاۋاپقا تارتىلعان. سوت ونى "زاڭسىز ميتينگىلەرگە" قاتىسقانى ءۇشىن بىرنەشە رەت 5 كۇننەن 15 كۇنگە دەيىن قاماعان. قاراشا ايىندا بەلسەندى "پوليتسياعا ءتىل تيگىزدى" دەپ ايىپتالىپ، 220 مىڭنان استام (80 ايلىق ەسەپتىك كورسەتكىش) ايىپپۇل العان.
2019 جىلى قاراشا ايىندا بەلگىسىز بىرەۋلەر ساياسي كوزقاراسىن اشىق ايتىپ جۇرگەن بەلسەندىنىڭ اۋلاسىندا تۇرعان جەكە كولىگىنىڭ ايناسىن شاعىپ، جۇرگىزۋشى ورىندىعىنا ءيتتىڭ باسىن تاستاپ كەتكەن. ول مۇنى ازاماتتىق بەلسەندىلىگىمەن بايلانىستىرعان. بۇل تۋرالى پوليتسياعا ارىز تۇسىرگەنىمەن، ءالى كۇنگە ءيتتىڭ باسىن كىم تاستاعانى انىقتالمادى.
قازىر شىمكەنتتە مۇحاممەدوۆتەن بولەك، كەمىندە ءۇش بەلسەندى: ەرلان فايزۋللاەۆ، مۇرات اشتاەۆ، نۇرجان ابىلداەۆ 405-باپ بويىنشا كۇدىككە ءىلىنىپ، ۇيقاماقتا وتىر. كەيبىر مالىمەتكە قاراعاندا، جالپى رەسپۋبليكا بويىنشا بۇل باپپەن كۇدىككە ىلىنگەندەر 150-گە جۋىقتايدى. قۇقىق قورعاۋشىلار ءماجىلىس جانە ءماسليحات سايلاۋى قارساڭىندا بەلسەندىلەردى قۋدالاۋ كۇشەيىپ، ءتىنتۋ كوبەيگەنىن ايتادى.
