6 qańtarda Shymkent qalasynyń Qarataý aýdandyq polıııa basqarmasyna onnan astam adam jınalyp, birneshe saǵat buryn úıine tintý júrgizilip, ózi ustap áketilgen belsendi Nurjan Muhammedovti bosatýdy talap etti. Belsendiniń áıeli Baǵıla Tekebaevanyń sózine qaraǵanda, tintý 6 qańtar túske deıin bolǵan. Bul týraly «Adyrna» ulttyq portaly Azattyqqa silteme jasap habarlaıdy.
- Kórshimniń bári "oıbaı, [úıińniń aldynda] on máshineden artyq kólik tur. Esik aldynda mılıııa qaptap ketti" dep habarlasty. Bala-shaǵamnyń báriniń telefony óship qalǵan. Sosyn júgirip, taksı jaldap, úıime barǵansha, bular alyp ketip qalǵan. Úıge kirip, esikti ashsam, balalarym "ákemdi áketip qaldy" dep shyryldap tur. Úıdiń bárin shashyp ketken. Qorqytqan, - dedi belsendiniń áıeli Azattyq tilshisine.
Sársenbi kúni tústen keıin polıııa basqarmasynyń aldyna jınalǵan adamdar polıııa qyzmetkerlerinen Muhammedovti qandaı negizde ustap áketkenin túsindirýdi talap etti. Ǵımarat syrtynda "bosatylsyn!" dep te aıqaılady.
Keıinirek turǵyndar aldyna shyqqan kezekshi prokýror Farabı Aıtymbetov belsendi Nurjan Muhammedovti Qylmystyq kodekstiń 405-bap 1-bóligi boıynsha ("tyıym salynǵan uıymnyń isine aralasý") tergep jatqanyn aıtty. Prokýrordyń aıtýynsha, bul is boıynsha Muhammedovke kúdikti statýsy berilgen. Biraq ol ony qashan bosatatyny týraly suraqqa jaýap bermedi.
46 jastaǵy Nurjan Muhammedov áıeli jáne kámeletke tolmaǵan bes balasymen birge Shymkenttiń Qarataý aýdanyndaǵy Qaınarbulaq saıajaıynda páter jaldap turady. Ol buǵan deıin "saıası tutqyndarǵa bostandyq" talap etken jıyndarǵa qatysyp, Qytaı ekspansııasyna, jerdiń satylýyna qarsy shyqqan. Sol úshin birneshe ret ákimshilik jaýapqa tartylǵan. Sot ony "zańsyz mıtıngilerge" qatysqany úshin birneshe ret 5 kúnnen 15 kúnge deıin qamaǵan. Qarasha aıynda belsendi "polıııaǵa til tıgizdi" dep aıyptalyp, 220 myńnan astam (80 aılyq eseptik kórsetkish) aıyppul alǵan.
2019 jyly qarasha aıynda belgisiz bireýler saıası kózqarasyn ashyq aıtyp júrgen belsendiniń aýlasynda turǵan jeke kóliginiń aınasyn shaǵyp, júrgizýshi oryndyǵyna ıttiń basyn tastap ketken. Ol muny azamattyq belsendiligimen baılanystyrǵan. Bul týraly polıııaǵa aryz túsirgenimen, áli kúnge ıttiń basyn kim tastaǵany anyqtalmady.
Qazir Shymkentte Muhammedovten bólek, keminde úsh belsendi: Erlan Faızýllaev, Murat Ashtaev, Nurjan Ábildaev 405-bap boıynsha kúdikke ilinip, úıqamaqta otyr. Keıbir málimetke qaraǵanda, jalpy respýblıka boıynsha bul bappen kúdikke ilingender 150-ge jýyqtaıdy. Quqyq qorǵaýshylar májilis jáne máslıhat saılaýy qarsańynda belsendilerdi qýdalaý kúsheıip, tintý kóbeıgenin aıtady.
