الماتى قالاسىنىڭ اكىم ءار جىلدارى قابىلدانعان "قازاقستان رەسپۋبليكاسى ءبىلىم جانە عىلىم مينيسترلىگىنىڭ ءال-فارابي اتىنداعى قازاق ۇلتتىق ۋنيۆەرسيتەتى" شجق رمك جەر ۋچاسكەسىنە تۇراقتى جەر پايدالانۋ قۇقىعىن بەرۋ تۋرالى 2 ءتۇرلى قاۋلىسى بار دەپ حابارلايدى «ادىرنا» ۇلتتىق پورتالى قامشى سايتىنا سىلتەمە جاساپ.
ءال-فارابي اتىنداعى قازاق ۇلتتىق ۋنيۆەرسيتەتىنە تيەسىلى جەرلەرگە قاتىستى داۋ شىقتى. زاڭگەر باقىتجان بازاربەك Facebook پاراقشاسىندا الماتى قالاسىنىڭ بۇرىنعى اكىمى احمەتجان ەسىموۆ قابىلداعان جەر تۋرالى قاۋلى مەن ءال-فارابي اتىنداعى قازۇۋ-عا تيەسىلى جەردىڭ قۇجاتتارىن نەگىزگى الا وتىرىپ بىرنەشە جىلدا ۋنيۆەرسيتەتتىڭ اۋماعى قىسقارعانىن ايتىپ دابىل قاقتى.
زاڭگەردىڭ ايتۋىنشا، الماتى قالاسىنىڭ اكىم ءار جىلدارى قابىلدانعان "قازاقستان رەسپۋبليكاسى ءبىلىم جانە عىلىم مينيسترلىگىنىڭ ءال-فارابي اتىنداعى قازاق ۇلتتىق ۋنيۆەرسيتەتى" شجق رمك جەر ۋچاسكەسىنە تۇراقتى جەر پايدالانۋ قۇقىعىن بەرۋ تۋرالى 2 ءتۇرلى قاۋلىسى بار.
ءبىرى وسىدان 9 جىل بۇرىن، ياعني 2012 جىلى 30 قاڭتاردا № 1-1/294 جانە 2017 جىلى 2 قازاندا № 4/392-2236 ەكىنشى قاۋلا قابىلدانعان. باقىتجان بازاربەكتىڭ ايتۋىنشا، 2012 جىلى قابىلدانعان قاۋلىعا ەكس اكىم احمەتجان ەسىموۆ قوي قويعان. № 1-1/294 قاۋلىعا سايكەس ءال-فارابي اتىنداعى قازۇۋ جەر ۋچاسكەسىنىڭ اۋدانى - 73,2662 گەكتار. بەس جىلدان كەيىن جاڭا قاۋلى شىعادى. وندا اتالمىش ۋنيۆەرسيتەتتىڭ جەر اۋماعى - 71,4220 گەكتار دەپ كورسەتىلگەن.
«ءال-فارابي اتىنداعى قازۇۋ-دىڭ جەرلەرى قايدا كەتتى؟»
-بىرىنشىدەن، اكىم احمەتجان ەسىموۆ قول قويعان 2012 جىلعى 30 قاڭتارداعى № 1-1/294 قاۋلىعا سايكەس، 2012 جىلى ءال-فارابي اتىنداعى قازۇۋ جەر ۋچاسكەسىنىڭ اۋماعى - 73,2662 گەكتار بولدى. 2017 جىلى جاڭا № 4/392-2236 قاۋلى شىعادى. وندا جەر اۋماعى - 72,4872 گەكتار، ال ۋنيۆەرسيتەتكە تيەلىسى جەر - 71,4220 گەكتار دەپ كورسەتىلەدى. ەگەر كاداسترلىق ءنومىرى 20-313-009-014 بولاتىن جەر ۋچاسكەسىن ەسەپكە الساق ۋنيۆەرسيتەت اۋماعى 73,2662 گەكتاردان 72,4872 گەكتارعا قالاي قىسقاردى!
"قازاقستان رەسپۋبليكاسى ءبىلىم جانە عىلىم مينيسترلىگىنىڭ ءال-فارابي اتىنداعى قازاق ۇلتتىق ۋنيۆەرسيتەتى" شجق رمك بەرگەن جەر ۋچاسكەسىنىڭ جالپى الاڭىنىڭ شامامەن 0,8 گەكتار قايدا كەتتى؟، - دەپ ساۋال جولدادى باقىتجان بازاربەك.
زاڭگەر ستاتيستيكالىق مالىمەتتەردى دە كەلتىردى. وعان سايكەس، 2012 جىلى قازۇۋ-دىڭ جەر ۋچاسكەسى 73,2662 گەكتار بولسا، 2017 جىلى ول 71,4220 بولعان.
قر جەر كودەكسىنىڭ 39-بابىنىڭ 2-تارماعىنا سايكەس، مەملەكەتتىك جەر پايدالانۋشىلارعا وزىنە تيەسىلى جەر پايدالانۋ قۇقىعىن يەلىكتەن شىعارۋعا جانە كەپىلگە بەرۋگە تىيىم سالىنادى.
-باستاپقى قاۋلى شىققاننان كەيىن (2012 جىلعى 30 قاڭتارداعى) 2017 جىلى تۇسىنىكسىز سەبەپتەرمەن جەر اۋماعى وزگەرتىلگەن 2017 جىلعى 02 قازانداعى جاڭا قاۋلى شىعادى. بۇل جەرگە ورنالاستىرۋ جوباسىن ازىرلەۋدى جانە سايكەستەندىرۋ قۇجاتىن (جەرگە مەماكت) جاڭارتۋدى تالاپ ەتەتىن جەر ۋچاسكەسىنىڭ سايكەستەندىرۋ سيپاتتامالارىندا وزگەرىستەردىڭ بولۋىن راستايدى. 2015 جىلى 6 مامىرداعى 379 ەرەجەگە سايكەس، جەر ۋچاسكەسىنىڭ سايكەستەندىرۋ سيپاتتامالارى (كونفيگۋراتسياسى، شەكارالارى، اۋدانى) وزگەرگەن جاعدايدا جەرگە ورنالاستىرۋ جوبالارىن ازىرلەۋدى كوزدەيدى.
2017 جىلى جەرگە ورنالاستىرۋ جوباسى بولعانى جانە ول قازۇۋ مەن الماتىنىڭ جەر قاتىناستارى باسقارماسىمەن بەكىتىلگەنىنە كۇمانىم جوق. ال قاۋلى جەرگە ورنالاستىرۋ جوباسىنسىز شىعارىلمايدى، سايكەسىنشە جەرگە ورنالاستىرۋ جوباسىنا دەيىن ماسەلەنى اكىمدىكتىڭ جەر كوميسسياسى ارقىلى وتكىزىپ، جەر كوميسسياسىنىڭ حاتتامالىق شەشىمى شىعارىلدى، دەپ جازدى باقىت بازاربەك.
«ءال-فارابي اتىنداعى قازۇۋ-دان كىم جەر كوميسسياسىنا ماتەريالدار جىبەردى؟»
زاڭگەر زاڭعا سۇيەنىپ، ول بويىنشا جەرگە ورنالاستىرۋ ءوندىرىسى ءۇشىن ءال-فارابي اتىنداعى قازۇۋ-دىڭ ءوز كەلىسىمى كەرەك. ياعني ءال-فارابي اتىنداعى قازۇۋ-دان بىرەۋ اكىمدىككە جەرگە ورنالاستىرۋ جۇمىستارىن جۇرگىزۋگە ءوتىنىش ءبىلدىرىپ، جەرگە ورنالاستىرۋ جوباسىن بەكىتۋى قاجەت. باقىتجان بازاربەكتىڭ ايتۋىنشا، «بىرەۋدىڭ» پايداسى ءۇشىن «بىرەۋ» ءال-فارابي اتىنداعى قازۇۋ جەر ۋچاسكەسىنەن باس تارتۋى ءتيىس. شەنەۋنىكتەر ونى ءوز بەتىنشە ىستەي المايدى. شەنەۋنىكتەر وزبەتىنشە مۇنداي قادامعا بارا المايتىنىن ءال-فارابي اتىنداعى قازۇۋ-دا راستاپ وتىر.
«ۋنيۆەرسيتەت پەن قازۇۋ-دىڭ لاۋازىمدى تۇلعالارى جەر ۋچاسكەسىنىڭ ءبىر بولىگىن ءۇشىنشى تۇلعالاردىڭ پايداسىنا يەلىكتەن شىعارۋ جونىندە كەلىسىم بەرگەن جوق جانە دە جەر ۋچاسكەسىن باسقا تاسىلمەن بولۋگە قاتىسقان جوق. ايتا كەتەرلىك جايت، بارلىق مۇلىك پەن جەر مەملەكەتتىك اكتيۆ بولىپ تابىلادى، سايكەسىنشە جوو-دا ولاردى يەلەنۋ، پايدالانۋ جانە بيلىك ەتۋ قۇقىعى جوق» دەلىنگەن رەسمي جاۋاپتا.
قازۇۋ رەسي سايتىندا قر جەر كودەكسىنىڭ 43, 44-1 جانە 48-باپتارى، سونداي-اق «مەملەكەتتىك مۇلىك تۋرالى» قر زاڭىنىڭ 4-بابىنىڭ 1-تارماعى مەملەكەتتىك مۇلىكتى، ونىڭ ىشىندە جەر ۋچاسكەلەرىن باسقارۋ، بەرۋ/ساتۋ سالاسىنداعى مەملەكەتتىڭ قۇقىقتارى مەن مىندەتتەرىن بەلگىلەيدى. جوعارىدا اتالعان زاڭداردىڭ باپتارىندا شەشىمدەر قابىلداۋ ءتارتىبى زاڭنامالىق تۇردە ايقىندالعان، سونداي-اق مەملەكەتكە تيەسىلى مۇلىك پەن جەرگە قاتىستى كەز كەلگەن جەكە-دارا شەشىم قابىلداۋ ءتارتىبى الىنىپ تاستالعان ايتىپ. ۋنيۆەرسيتەت باسشىلىعى ءوز قالاۋى بويىنشا مەملەكەتتىك مۇلىك پەن جەردى بەرۋدى جەكە-دارا جۇزەگە اسىرا المايتىنى جازادى.
