Almaty qalasynyń ákim ár jyldary qabyldanǵan "Qazaqstan Respýblıkasy Bilim jáne ǵylym mınıstrliginiń ál-Farabı atyndaǵy Qazaq ulttyq ýnıversıteti" ShJQ RMK jer ýchaskesine turaqty jer paıdalaný quqyǵyn berý týraly 2 túrli Qaýlysy bar dep habarlaıdy «Adyrna» ulttyq portaly Qamshy saıtyna silteme jasap.
Ál-Farabı atyndaǵy Qazaq Ulttyq ýnıversıtetine tıesili jerlerge qatysty daý shyqty. Zańger Baqytjan Bazarbek Facebook paraqshasynda Almaty qalasynyń burynǵy ákimi Ahmetjan Esimov qabyldaǵan jer týraly qaýly men Ál-Farabı atyndaǵy QazUÝ-ǵa tıesili jerdiń qujattaryn negizgi ala otyryp birneshe jylda ýnıversıtettiń aýmaǵy qysqarǵanyn aıtyp dabyl qaqty.
Zańgerdiń aıtýynsha, Almaty qalasynyń ákim ár jyldary qabyldanǵan "Qazaqstan Respýblıkasy Bilim jáne ǵylym mınıstrliginiń ál-Farabı atyndaǵy Qazaq ulttyq ýnıversıteti" ShJQ RMK jer ýchaskesine turaqty jer paıdalaný quqyǵyn berý týraly 2 túrli Qaýlysy bar.
Biri osydan 9 jyl buryn, ıaǵnı 2012 jyly 30 qańtarda № 1-1/294 jáne 2017 jyly 2 qazanda № 4/392-2236 ekinshi qaýla qabyldanǵan. Baqytjan Bazarbektiń aıtýynsha, 2012 jyly qabyldanǵan qaýlyǵa eks ákim Ahmetjan Esimov qoı qoıǵan. № 1-1/294 qaýlyǵa sáıkes ál-Farabı atyndaǵy QazUÝ jer ýchaskesiniń aýdany - 73,2662 gektar. Bes jyldan keıin jańa qaýly shyǵady. Onda atalmysh ýnıversıtettiń jer aýmaǵy - 71,4220 gektar dep kórsetilgen.
«Ál-Farabı atyndaǵy QazUÝ-dyń jerleri qaıda ketti?»
-Birinshiden, ákim Ahmetjan Esimov qol qoıǵan 2012 jylǵy 30 qańtardaǵy № 1-1/294 qaýlyǵa sáıkes, 2012 jyly ál-Farabı atyndaǵy QazUÝ jer ýchaskesiniń aýmaǵy - 73,2662 gektar boldy. 2017 jyly jańa № 4/392-2236 qaýly shyǵady. Onda jer aýmaǵy - 72,4872 gektar, al ýnıversıtetke tıelisi jer - 71,4220 gektar dep kórsetiledi. Eger kadastrlyq nómiri 20-313-009-014 bolatyn jer ýchaskesin esepke alsaq ýnıversıtet aýmaǵy 73,2662 gektardan 72,4872 gektarǵa qalaı qysqardy!
"Qazaqstan Respýblıkasy Bilim jáne ǵylym mınıstrliginiń ál-Farabı atyndaǵy Qazaq ulttyq ýnıversıteti" ShJQ RMK bergen jer ýchaskesiniń jalpy alańynyń shamamen 0,8 gektar qaıda ketti?, - dep saýal joldady Baqytjan Bazarbek.
Zańger statıstıkalyq málimetterdi de keltirdi. Oǵan sáıkes, 2012 jyly QazUÝ-dyń jer ýchaskesi 73,2662 gektar bolsa, 2017 jyly ol 71,4220 bolǵan.
QR Jer kodeksiniń 39-babynyń 2-tarmaǵyna sáıkes, memlekettik jer paıdalanýshylarǵa ózine tıesili jer paıdalaný quqyǵyn ıelikten shyǵarýǵa jáne kepilge berýge tyıym salynady.
-Bastapqy qaýly shyqqannan keıin (2012 jylǵy 30 qańtardaǵy) 2017 jyly túsiniksiz sebeptermen jer aýmaǵy ózgertilgen 2017 jylǵy 02 qazandaǵy jańa qaýly shyǵady. Bul jerge ornalastyrý jobasyn ázirleýdi jáne sáıkestendirý qujatyn (jerge memakt) jańartýdy talap etetin jer ýchaskesiniń sáıkestendirý sıpattamalarynda ózgeristerdiń bolýyn rastaıdy. 2015 jyly 6 mamyrdaǵy 379 erejege sáıkes, jer ýchaskesiniń sáıkestendirý sıpattamalary (konfıgýraııasy, shekaralary, aýdany) ózgergen jaǵdaıda jerge ornalastyrý jobalaryn ázirleýdi kózdeıdi.
2017 jyly jerge ornalastyrý jobasy bolǵany jáne ol QazUÝ men Almatynyń Jer qatynastary basqarmasymen bekitilgenine kúmánim joq. Al qaýly jerge ornalastyrý jobasynsyz shyǵarylmaıdy, sáıkesinshe jerge ornalastyrý jobasyna deıin máseleni ákimdiktiń jer komıssııasy arqyly ótkizip, jer komıssııasynyń hattamalyq sheshimi shyǵaryldy, dep jazdy Baqyt Bazarbek.
«Ál-Farabı atyndaǵy QazUÝ-dan kim jer komıssııasyna materıaldar jiberdi?»
Zańger zańǵa súıenip, ol boıynsha jerge ornalastyrý óndirisi úshin Ál-Farabı atyndaǵy QazUÝ-dyń óz kelisimi kerek. Iaǵnı ál-Farabı atyndaǵy QazUÝ-dan bireý ákimdikke jerge ornalastyrý jumystaryn júrgizýge ótinish bildirip, jerge ornalastyrý jobasyn bekitýi qajet. Baqytjan Bazarbektiń aıtýynsha, «bireýdiń» paıdasy úshin «bireý» ál-Farabı atyndaǵy QazUÝ jer ýchaskesinen bas tartýy tıis. Sheneýnikter ony óz betinshe isteı almaıdy. Sheneýnikter ózbetinshe mundaı qadamǵa bara almaıtynyn ál-Farabı atyndaǵy QazUÝ-da rastap otyr.
«Ýnıversıtet pen QazUÝ-dyń laýazymdy tulǵalary jer ýchaskesiniń bir bóligin úshinshi tulǵalardyń paıdasyna ıelikten shyǵarý jóninde kelisim bergen joq jáne de jer ýchaskesin basqa tásilmen bólýge qatysqan joq. Aıta keterlik jaıt, barlyq múlik pen jer memlekettik aktıv bolyp tabylady, sáıkesinshe JOO-da olardy ıelený, paıdalaný jáne bılik etý quqyǵy joq» delingen resmı jaýapta.
QazUÝ resı saıtynda QR Jer Kodeksiniń 43, 44-1 jáne 48-baptary, sondaı-aq «Memlekettik múlik týraly» QR Zańynyń 4-babynyń 1-tarmaǵy memlekettik múlikti, onyń ishinde jer ýchaskelerin basqarý, berý/satý salasyndaǵy memlekettiń quqyqtary men mindetterin belgileıdi. Joǵaryda atalǵan zańdardyń baptarynda sheshimder qabyldaý tártibi zańnamalyq túrde aıqyndalǵan, sondaı-aq memleketke tıesili múlik pen jerge qatysty kez kelgen jeke-dara sheshim qabyldaý tártibi alynyp tastalǵan aıtyp. ýnıversıtet basshylyǵy óz qalaýy boıynsha memlekettik múlik pen jerdi berýdi jeke-dara júzege asyra almaıtyny jazady.
