ەلوردادان سىرتقا قاتىنايتىن اۆتوبۋستارعا تىيىم سالىندى

1162

نۇر-سۇلتاننان شىعاتىن بارلىق تاسجولدا جەكەلەگەن كولىك تۇرلەرىنىڭ جۇرۋىنە تىيىم سالىندى، دەپ حابارلايدى "ادىرنا" ۇلتتىق پورتالى Smart Astana تەلەگرام-بوتىنا سىلتەمە جاساپ.

اتالعان حابارلامادا: «2 قاڭتار كۇنى ساعات 18:00 باستاپ اۋا رايىنىڭ ناشارلاپ، تەمپەراتۋرانىڭ تومەندەۋىنە بايلانىستى نۇر-سۇلتان قالاسىنان رەسپۋبليكالىق ماڭىزى بار بارلىق جول باعىتتارى بويىنشا قوعامدىق كولىك جانە ديزەلمەن جۇرەتىن اۆتوكولىك تۇرلەرىنە شەكتەۋ ەنگىزىلەدى» دەلىنگەن.

ەسكە سالا كەتەيىك، بۇعان دەيىن سولتۇستىك قازاقستان جانە اقمولا وبلىستارىندا قاتتى ايازعا بايلانىستى جول جابىلعان بولاتىن. سونىمەن قاتار قوستاناي مەن شىعىس قازاقستاندا دا كولىك قوزعالىسىنا شەكتەۋ قويىلعان.

 

سۋرەت ينتەرنەت جەلىسىنەن

 

پىكىرلەر
ۇقساس جاڭالىقتار