ورالدا جاس جىگىت وبلىستىق قورعانىس ىستەرى جونىندەگى دەپارتامەنت عيماراتىنىڭ ءۇشىنشى قاباتىنان سەكىرىپ كەتكەن، دەپ حابارلايدى «ادىرنا» ءتىلشىسى «حابار 24» -كە سىلتەمە جاساپ.
سالدارىنان اسكەرگە شاقىرتۋ العان ءجاسوسپىرىمنىڭ ومىرتقاسىنا ايتارىلىقتاي زاقىم كەلىپ، ەكى اياعىنا وپەراتسيا جاسالىپتى. وقىس وقيعا جەلتوقسانىڭ 8-ءى كۇنى بولعان. سول كۇنى شاقىرۋ قاعازىن العان اناسى اسكەري كوميسسارياتقا ءوزى بارىپ، بالاسىن كەلەر جىلدىڭ كوكتەمىنە دەيىن قالدىرا تۇرۋدى سۇرايدى. بىراق اسكەريلەر مۇنىمەن كەلىسپەي بالانى دەپارتامەنتكە الىپ كەلىپتى. كەيىن اسكەرگە شاقىرىلۋشىمەن اڭگىمەلەسۋ قاجەتتىگىن ايتىپ، ايەلدى ۇيىنە قايتارعان. بىراق كوپ ۇزاماي بالاسىنىڭ جاراقات بولىمىنەن ءبىر-اق شىققانىن ەستىگەن.
«ءوزىم دىمكاس اداممىن. ۇلىم مەن قىزىمدى جالعىز ءوزىم تاربيەلەپ وتىرمىن. بالامدى كەۋدەسىنەن ۇرىپ، «1 جىل بويى قاماۋدا بولاسىڭ دەپ قورقىتقانىن» كەيىن ءبىلدىم.
اسكەريلەر بۇل ءىستى جاسىرعىسى كەلىپ، مەنى قورقىتقان سوڭ وسى ۋاقىتقا دەيىن ۇندەمەي كەلدىم. بىراق كىنالىلەرۋ جازاعا تارتىلۋى ءتيىس»،-دەدى اسكەرگە شاقىرىلۋشىنىڭ اناسى.
«ادىرنا» ۇلتتىق پورتالى
