Oralda jas jigit oblystyq qorǵanys isteri jónindegi departament ǵımaratynyń úshinshi qabatynan sekirip ketken, dep habarlaıdy «Adyrna» tilshisi «Habar 24» -ke silteme jasap.
Saldarynan áskerge shaqyrtý alǵan jasóspirimniń omyrtqasyna aıtarylyqtaı zaqym kelip, eki aıaǵyna operaııa jasalypty. Oqys oqıǵa jeltoqsanyń 8-i kúni bolǵan. Sol kúni shaqyrý qaǵazyn alǵan anasy áskerı komıssarıatqa ózi baryp, balasyn keler jyldyń kóktemine deıin qaldyra turýdy suraıdy. Biraq áskerıler munymen kelispeı balany departamentke alyp kelipti. Keıin áskerge shaqyrylýshymen áńgimelesý qajettigin aıtyp, áıeldi úıine qaıtarǵan. Biraq kóp uzamaı balasynyń jaraqat bóliminen bir-aq shyqqanyn estigen.
«Ózim dimkás adammyn. Ulym men qyzymdy jalǵyz ózim tárbıelep otyrmyn. Balamdy keýdesinen uryp, «1 jyl boıy qamaýda bolasyń dep qorqytqanyn» keıin bildim.
Áskerıler bul isti jasyrǵysy kelip, meni qorqytqan soń osy ýaqytqa deıin úndemeı keldim. Biraq kinálilerý jazaǵa tartylýy tıis»,-dedi áskerge shaqyrylýshynyń anasy.
«Adyrna» ulttyq portaly
