نۇر-سۇلتاندا شىرشا جاعۋ ءراسىمى قاشان جانە قايدا وتەتىنى بەلگىلى بولدى، - دەپ حابارلايدى "ادىرنا" ۇلتتىق پورتالى قالا اكىمدىگىنە سىلتەمە جاساپ.
اكىمدىكتىڭ حابارلاۋىنشا، 22 جەلتوقسان ساعات 20: 00-دە نۇر-سۇلتاندا قالانىڭ بارلىق جاڭا جىلدىق شىرشالارى جانادى. قالا اۋماعىندا ولاردىڭ سانى 30-دان اسادى. حابار تەلەارناسى «عاجايىپ شىرشا» قىسقامەتراجدى ءفيلمىن 19:50-دە كورسەتە باستايدى، ال 20: 00-دە ەكسپو-دا ورنالاسقان باس شىرشانى جارىقتاندىرۋعا ارنالعان دايىندالعان بەينەروليك كورسەتىلەدى.
ون مينۋتتىق ءفيلمنىڭ ءوزى بىرنەشە نوۆەللادان تۇرادى: يگى ىستەر، جانۋارلارعا دەگەن سۇيىسپەنشىلىك پەن قامقورلىق، اتا-انالارعا دەگەن قۇرمەت پەن قامقورلىق، وتباسىلىق قۇندىلىقتار.
سونداي-اق 22 جەلتوقساندا «ۇيدەگى شىرشانى بەزەندىرۋ» فلەشموبى اياسىندا ازاماتتاردى 22 جەلتوقساندا ساعات 20.00-دە ءوز ۇيلەرىندە شىرشانى جاعۋعا قاتىسۋعا شاقىراتىن بەينەروليك جاريالاندى. بۇل فلەشموبقا كەز-كەلگەن ادام تەلەفونعا ۆيدەو نەمەسە فوتو ءتۇسىرىپ، الەۋمەتتىك جەلىلەرگە ورنالاستىرا وتىرىپ، نۇر-سۇلتان اكىمدىگىنىڭ پاراقشاسىن بەلگىلەي وتىرىپ، #مەيىرىمدىبولۋادەت، #دوبروتاوبرازجيزني، #مودنوبىتدوبرىم حەشتەگىمەن جاريالاي الادى.
جاڭا جىل قارساڭىندا ەلوردا تۇرعىندارى ءۇشىن بەينە قۇتتىقتاۋلار ۇيىمداستىرىلادى. وعان تانىمال ادامدار، قازاقستاندىق ەسترادا جۇلدىزدارى، اكتەرلەر جانە ت.ب. قاتىسادى.
ۇقساس جاڭالىقتار
